Beach House Restaurant Ponto Grille and Carvery Oyster World Delfinos.Passion for food-Passion for life Wolwedans Game Farm Reflexions Professional Hair Property Pointer Top Up Service Station

 

MosselbayonTheline | First With The News

Die Mosselbaai Munisipaliteit doen net wat hulle wil
 
Cedric Jansen skryf: 
 
Powertown-leiers het 'n vergadering op die 16de Januarie 2019 aangevra vir die 28ste Januarie 2019. Die MBM se terugvoering op ons brief was dat die burgemeester uitstedig was en sou 'n latere datum vasgestel het vir ons vergadering oor dienslewering binne Powertown.
 
Op 1 Februarie 2019 word 'n berig geplaas in die Advertiser deur die Raad oor dienslewering en Powertown se verskuiwing na Sonskyn Vallei.

power17
 
Dit . . . sonder om 'n vergadering met Powertown-leiers te belê. I.p.v. dat die MBM reageer op ons brief oor dienslewering, praat hulle van VERSKUIWING terwyl die MBM weet die agtergeblewe inwoners van Powertown HAAT die woord VERSKUIWING. 
 
Die persone met wie MBM voorheen geonderhandel het, was nooit verkose leiers vir die gemeenskap nie. Al die vroeëre prosesse van onderhandeling was ondemokraties gedoen.
 
Ons kom agter dat die vloedlyn net vir die inwoners van Powertown geld en nie vir Riverside en Beyersstraat se inwoners nie.
 
Is dit omdat ons "bruin" is, of wat?!! In 'n voorleggingsvergadering in Sonskyn Vallei waar die MBM 'n voorlegging moes gedoen het aan die Provinsiale Raad het ek, Cedric Jansen, gevra: "Wat gaan die MBM doen met die oorblywende 92 huisgesinne wat nie wil verskuif na Sonskyn Vallei nie?"
Ons wag nou nog vir die reaksie op daardie vraag, maar die MBM gaan nog steeds voort met hul beplanning om ons te verskuif na Sonskyn Vallei.
 
Die Poppe gaan dans. . . Ons is nie goed wat rondgeskuif word nie, rommel word rondgeskuif; nog minder wil ons soos rommel behandel word. Dit is wat tans met ons aan die gebeur is.
 
Die MBM het ook 'n wanindruk van 'n vleiland. 'n Vleiland is gedurig deur omring met water en daar is elke dag pelikane en ander voëlspesies in so 'n gebied.
 
In Powertown is geen pelikane sigbaar nie. Dit kom al hoe meer voor dat die vloedlyn net 'n rookskerm is om ons inwoners van Powertown wat al 24 jaar hier woonagtig is, op 'n slinkse manier hier weg te kry.
 
power18
Pin It
Related Articles: