Top Up Service Station Ponto Grille and Carvery Property Pointer Wolwedans Game Farm Reflexions Professional Hair Beach House Restaurant Delfinos.Passion for food-Passion for life

 

MosselbayonTheline | First With The News

 
♫Kinders moenie in die water speel nie, die oumense het dit opgemors . . . ♫ 

Hartseer maar waar . . . die Hartenbos-rivier is baie siek weens baie jare se onkundige en kortsigtige misbruik en mishandeling . . . en hoewel 'n dapper spanpoging gisteroggend aangewend is om die monding meganies oop te stoot, is dit sterk te betwyfel of die rivier ooit dié Kersseisoen vir die publiek oopgestel sal kan word.

muni Des7 rivier

Baie vingers kan gewys word na baie mense oor die afgelope dekades, maar die "bottom line" bly maar die mens en sy neiging om feitlik bo-op die see of 'n rivier te wil woon (en dus die natuurlike kuslyn en riviervloei verfomfaai) en 'n inwonerstal wat so uitgebrei het dat niemand meer weet waarheen met al die "ablusiewater" nie . . . en rivier toe kan dit ook nie meer veel langer nie.

desember34

Die groot gesukkel om toestemming by Omgewingsake te kry om die monding oop te stoot en 'n toutrekkery oor waar en hoe dit oopgemaak moet word, belemmer voorts die reddingsaksies . . .

Gister se oopmakery was - volgens alle betrokkenes - ietwat van 'n "floppie" en hoewel die seewater met hoogwater redelik hoog in die rivier opgestoot het, was dit met laagwater weer duidelik dat die natuur hom nie laat voorskryf nie . .. die water het weer sy eie roete verby die nuwe "sloot" gevolg en die grasgroen kleur van die besoedelde rivierwater het selfs die vlak branders 'n neongroen skynsel gegee . . .

desember30

Terwyl baie mense meen die sandduine wat aan die ATKV se karavaanpark grens moet weg sodat die water sy oorspronklike roete kan volg, kap die ATKV teë uit vrees dat dit sy infrastruktuur kan beskadig . . . en hoewel dit oorwegend 'n soutwaterrivier is met weinig natuurlike invloei van varswater, word die rivier daagliks gebombardeer met miljoene kubieke liter varswater uit die rioolsuiweringswerke wat die soutbalans versteur . . . want iewers moet almal se "uitskot" heen, maar nou kan dit nie meer see toe loop nie.

desember20

Die slik van dié uitskotwater wat deur die dekades op die rivierbodem en sand opgebou het, het boonop die ekologie só versteur dat net 'n tsoenami dit behoorlik sal kan skoon spoel.

Dis 'n lang en ingewikkelde proses met baie rolspelers en "politieke jurisduksies" en terwyl kundiges en owerhede nou werk aan moontlike en volhoubare langtermyn-oplossings, is die kanse skraal dat veral die bokant van die rivier dié seisoen veilig sal wees vir swem of ontspanningsdoeleindes. Die water sal daagliks getoets word, maar wonderwerke gebeur nie oornag nie.

desember31

In 'n opvolg-aksie het inwoners Donderdagoggend wéér met hande-arbeid probeer om die riviermonding verder behoorlik oop te maak nadat die vorige dag se poging met meganiese toerusting deur die gety onderbreek is.

Hartenbos riviermond oopmaak

Dit was 'n moedige poging en sake is bemoeilik weens die massas sand wat verskuif moes word. Phillip Vermaak, voorsitter van die Hartenbos Rivier-forum, het gesê hoewel die seewater met Donderdagoggend se poging bo verwagting ver ingespoel het, is die rivier steeds nie geskik vir volle rekreasiedoeleindes nie. Die sterk inwaartse vloei van seewater beloof egter om welkome verligting te bring.  

 Luister ook gerus na 'n inwoner se mening oor die riviermonding. (Ons vra om verskoning vir die video wat op sy sy lê!) 

Nog foto's van die riviermonding se oopmaak: 

https://web.facebook.com/mosselbayontheline/posts/2295071540724100?

 Die goeie nuus is dat die klomp spierwit strande, die Punt-getypoel en die Poort se natuurlike swempoel steeds daar is - en dus hoef die verbode rivier nie vakansiegangers se pret te bederf nie.

1may8

 Lees gerus meer hier ook:

Pin It
Related Articles:

Die ontstellende nuus dat die Hartenbos-rivier nou kort voor die Desembervakansie noodgedwonge gesluit moet word vir menslike aktiwiteite en die departemente van omgewingsake en ontwikkelingsbeplanning volstrek weier om die riviermond te kom oopstoot, is seker vir die meeste inwoners en besoekers 'n groot skok . . .

27 april20

Vir baie omgewingsbewustes wat al jare lank vergeefs waarsku en spook dat plaaslike owerhede moet aandag gee aan die toenemende verval by al drie riviere - Hartenbos-, Klein-Brak- en Groot-Brakrivier - is die sluiting van die rivier weens grootskaalse besoedeling en gesondheidsgevaar egter nie verbasend nie.

Hartenbos rivier gesluit

Selfs ons voortydige waarskuwing in September vanjaar dat besoekers gekla het oor vreemde opdrifsels in die rivier wat soos rioolafval lyk, het soveel snedige kritiek en opmerkings en selfs beskuldigings van "onverantwoordelike beriggewing" van munisipale kant en die Advertiser ontlok, dat 'n mens nie kon help om te wonder wat weggesteek word nie? Hoekom die hewige kritiek op 'n besoeker se opregte en bekommerde wenk aan ons dat ondersoek ingestel moet word?   

 Daar WAS toe al die tyd 'n d . . .  in die drinkwater en dit was beslis nie 'n droM nie . . .    https://web.facebook.com/mosselbayontheline/photos/pcb.2249151301982791/2249209221976999/?

 

hartenbos rivier1

'n Foto van die Hartenbos-rivier wat vroeër vandeesmaand reg langs die Riviera-hotel geneem is waar mense vroeër jare sorgvry in bootjies gevaar en geswem het. Watergehaltetoetse wat die Hartenbos-rivierforum op 19 November by 'n onafhanklike laboratorium op George laat doen het, dui egter op onaanvaarbare hoë  vlakke sulfaat-, ammoniak- en E.coli en moontlike rioolbesoedeling.

27 april18

Ons het die kranige roeiertjie in April vanjaar in die Hartenbos-rivier afgeneem en toe reeds gewaarsku dat kinders versigtig moet wees om nie van die water te sluk of te swem as hulle seerplekke het nie weens die twyfelagtige kleur en opdrifsels in die water wat ook op die foto gesien kan word.  

Ook foto's wat ons in September geneem het terwyl die riviermond oop was, het geen verbetering in die watergehalte dieper in die rivier getoon nie.

Dit is egter nie 'n nuwe probleem nie en dit blyk dat dinge al sedert vroeg in 2015 begin handuit ruk het. Tóé reeds is erge kommer uitgespreek oor veral die storting van erg besoedelde water van die munisipale stormwaterstelsel en die rioolsuiweringswerke in die rivier. Die hoë ammoniakvlakke in die rivierwater is voorts vererger deur menslike nedersettings langs die rivier waar ablusie- en rioolwater goedsmoeds in die rivier gestort word, asook boerderye waar chemiese gif- en bemestingstowwe toenemend in die water beland en die natuurlike soutvlakke verander. 

Ondanks daadwerklike pogings deur die Hartenbos Rivierforum om die saak te beredder, het die rivier se toestand en watergehalte desondanks so verswak dat die water nou weer onveilig geraak het vir ontspanningsdoeleindes en tydelik gesluit moes word tot verdere kennisgewing.  Vrae wat nou gevra word, is:

  • Hoe lank moet die rivier nog dien as "bodemlose puttoilet" vir munisipale watersuiweringswerke as dit duidelik is dat die groot hoeveelhede vars water en chemikalieë stelselmatig die sensitiewe rivierstelsel vernietig? Met die groeiende inwonerstal in die omgewing gaan die probleem net vererger;
  • Kan dié afvalwater nie verder behandel word om dit geskik te maak vir nywerheidsdoeleindes of landbougrond en eerder na omliggende plase herlei word nie? In 'n droogtegeteisterde land waar water die nuwe "goud" is, is dit amper krimineel om soveel bruikbare water in 'n uiters sensitiewe rivierstelsel see toe te pomp terwyl inwoners deur hul nekke betaal vir drinkwater en boere smag na water;
  • Wie monitor die aantal rivieroewer-bewoners wat dikwels onwettig en sonder ablusiegeriewe op plase "plak" en die rivier as wasplek en toilet gebruik?
  • Word die riviermonding deur kundige en ervare mense oopgemaak - op die regte plek en tyd en invalshoek in ooreenstemming met die seestroom wat die sand natuurlik sal wegvoer? "As kundige mense met die regte ervaring en kennis nie die riviermond oopmaak nie, sal dit binne 'n paar dae weer toespoel en groter skade aanrig. Jy kan nie die natuur beheer nie - jy moet sy natuurlike patroon volg as jy resultate wil hê," het 'n kundige laat weet.   

    

Brigit20

Só lyk dit tussen die  Hartenbos-rivierbrug en die rioolsuiweringswerke op die R102 waar poele water gedurig opdam.    

 Op 2 Desember 2016 is reeds soos volg oor die situasie in die Mossel Bay Advertiser berig:  

HARTENBOSRIVIER STADIG DOODGEMAAK

Mosselbaaiers wurg die lewe uit die Hartenbosrivier. Die munisipaliteit beplan nou om die rivier tydelik vir alle rekreasie te sluit.

Onlangse toetse dr Frans de Graaff (BVSc) op dooie vis uit die rivier het bevind dat die visvrektes aan die hoë ammoniakvlakke en verandering in die soutvlakke van die water toegeskryf kan word. Die ammoniakvlakke is volgens kenners die gevolg van onnadenkende, selfs moedswillige storting van onder meer diesel en olie in die munisipale stormwaterstelsel, en behandelde afvalwater wat vanaf die munisipale watersuiweringswerke in die rivier beland.
 
Menslike nedersetting en landbou-aktiwiteite dra verder by tot die rivier se swak waterkwaliteit.
 
"Die ammoniakvlakke in die water het waarskynlik alle lewe, buiten dalk 'n paar sandgarnale, uitgewis," is die skriftelike mening van 'n beampte van die departement waterwese en sanitasie wat vir professionele redes annoniem bly.
 
Intussen is hierdie week ook berig ontvang van voëlvrektes wat aan die Dibiki-kant van die rivier opgemerk is.
 
Gebreekte reaktor 
Die visvrektes in die Hartenbosrivier die afgelope naweek is waarskynlik die gevolg van te hoë ammoniakvlakke in die water, onder meer in die behandelde afvalwater wat van die munisipale aanleg in Hartenbos af kom, berig die waarnemende munisipale bestuurder, mnr Harry Hill.
 
Hy noem 'n kombinasie van faktore, onder meer die reaktor wat sover bekend op 1 November gebreek het, en die invloei van diesel deur die rioolstelsel na die aanleg wat nie die diesel kon neutraliseer nie, wat tot die besoedeling bygedra het.
 
Nog 'n week 
"Dit sal nog 'n week of wat neem vir die besoedelde water om deur te werk," aldus mnr Hill.
 
"Hoë ammoniakvlakke is egter ook hoër op in die rivier gemeet, en is vermoedelik die gevolg van septiese tenks in die nabyheid en landbou-aktiwiteite, asook natuurlike oorsake soos die verotting van plantmateriaal.
 
"Die munisipaliteit gaan intussen die monding so goed as moontlik probeer oophou, en borde aanbring om swem, hengel en die uithaal van aas tydelik te verbied totdat die probleem opgeklaar het. Daar sal voortgegaan word met die skoonmaak van die rivier, wat tydelik uitgestel moes word.
 
Blouvlag 
"Die besoedelingsprobleem is ingevolge die Blouvlagreëls aan die Wildlife and Environment Society of South Africa (WESSA) gerapporteer," berig mnr Hill. Hy sê watermonsters is geneem, soos daar deurlopend by Blouvlagstrande gedoen word, en die toetsuitslae sal aan WESSA voorsien word.
 
Die streng kriteria van die program fokus veiligheid, geriewe, netheid, inligting oor die omgewing en omgewingsbestuur en word deur die internasionale koördineerders van die Blouvlag-veldtog in Europa en Suid-Afrika nougeset vir nakoming gemonitor.
 
"Ons is uiteraard bekommerd oor die situasie in die rivier, en doen alles in ons vermoë om 'n oplossing te vind. Die situasie word deurlopend gemonitor," berig mnr Hill.
 
Bestuursplanne 
Mosselbaai munisipaliteit het bestuursplanne op die tafel vir die hantering van die riviermondings in die omgewing, maar hul jurisdiksie is beperk tot die mondings, maar die bron van besoedeling is in die meeste gevalle hoër stroom-op.
 
Die munisipaliteit het intussen opdrag gegee dat die rivierwater daagliks gemonitor word. Dit wil egter voorkom asof ander owerhede wat vir die res van die rivier verantwoordelik is, ook hul verantwoordelikheid baie meer nougeset sal moet nakom. Inwoners beweer dat landbouers te veel en ongereguleerd water uit die rivier onttrek en dat daar geen plan bestaan om die riete in die rivier te beperk of te verwyder nie.
 
"Probleme met visvrektes in die rivier het sporadies sedert April vanjaar toegeneem en dit wil voorkom asof die probleem net vererger het tot die situasie tans waar geen tekens van beide sout- en varswatervis in die riviermond voorkom nie.
 
Gewoonlik is die riviermondings die teelplek van vis. Met die jongste visvrektes is geen klein vissies te siene nie, wat 'n aanduiding is dat vis nie meer in die rivier teel nie," meen verteenwoordigers van die Hartenbosrivier-bestuursforum. Inwoners meen ook toestande in die rivier kan nie die slegs aan 'n gebreekte reaktor toegeskryf word nie.
 
Die afgelope week het inspekteurs van die departement omgewingsake, die sogenaamde Groen Skerpioene, die rivier wel besoek om ondersoek in te stel.
 
 
Kyk hieronder na 'n video-onderhoud met 'n verteenwoordiger van die Hartenbosrivier:
 
 
 
Twee jaar later . . .  Bogenoemde bevindings en bestuursplanne is reeds TWEE jaar gelede gedoen en hoewel AL die kenners die verhoogde ammoniakvlakke grootliks toegeskryf het aan die groot hoeveelhede behandelde varswater van die watersuiweringswerke wat in die rivier gestort word, is daar blykbaar niks gedoen om dié ooglopende OORSAAK van die probleem op te los nie.
 
Terwyl daar nou WEER (nes in 2016) vinnig voor die vakansie inderhaas noodplanne gemaak word om die Hartenbos-rivier betyds skoon te kry vir die hordes vakansiegangers en besoekers wat in aantog is, laat dit 'n wrang smaak in die mond. Hoekom NOU eers wakker skrik as dieselfde probleem al jare lank bestaan en plaaslike inwoners al vuisvoos gekla en baklei is? Moet die inwoners maar deur die jaar tevrede wees met die besoedeling, solank die besoekers net gelukkig is?
 
KLEIN-BRAKRIVIER
 
Klein Brakrivier
Net 'n entjie verder, op die pragtige Klein-Brakrivier, woed 'n soortgelyke stryd al langer as 'n dekade om die ewe sensitiewe rivierstelsel van ondeurdagte menslike inmenging en vergrype te red. 
Klein Brakrivier6
Só gaan dit binne die volgende paar weke weer op Klein-Brakrivier se strand lyk . . . maar wat gaan aan by die rivier waar die krewels vrek en die vis verdwyn? 

kleinbrak
 
 Die pragtige Kleinbrak-vleiland, waar vroeër jare tot 66 voëlspesies in 'n paradysagtige eilandomgewing gebroei en gejag het in 'n florerende ekostelsel, lyk vandag soos 'n dorre en verlate maanlandskap. 
 
power town river22
 
 
 
 
Waar voetspore vroeër in wit seesand al langs die riviermond tot in die see geloop het, is nou kleierige, swart en oranje sandgrond waarin net herinneringe groei.
 
 
 
Klein Brakrivier8 oom
 
 Vroeër jare was daar geen sprake van riete en varswaterplante in die soutwater-rivier nie en die hele rivier was 'n vissermansparadys. Sedert groot hoeveelhede afvalwater van PetroSA se opgaartenk en die munisipale waterwerke egter in die rivier vrygelaat word, het slik, riete en varswaterplantegroei die hele vleiland en sytak vernietig.  
 
 
power town river23
 
'n Entjie verder is 'n ou begraafplaas waar van die omgewing se pioniers en bekende voorsate jare gelede 'n statige rusplek op die oewer van hul geliefde rivier gevind het. Vandag rol hulle sweerlik in hul grafte rond oor wat met hul idilliese rivier-landskap gebeur het. 

power town grafte
 
Knus agter hulle lêplek pryk 'n lelike draadomheining om PetroSA se reuse-reservoir vol water uit die Wolwedansdam te beskerm.
 
power town river19
 
Links van hulle is 'n onooglike gebouekompleks wat die munisipale waterwerke huisves.
 
power town river17

Voor hulle is die erg vervalle ou kragstasiegebou met sy uittand-vensters waaruit bome en bosse groei - die baken vir die steeds groeiende Power Town-nedersetting waar elf nuwe "onwettige" huisies die afgelope paar maande weer opgeskiet het. En oral tussenin, waar die rivier eens glad en blink gevloei het, is net bosse en riete en soveel verwaarlosing dat nie eens voëls, slange of insekte dit daar waag nie.

power town bome

 
Oorkant die N2-hoofpad wat destyds bo-oor die rivier gebou is, lyk dit nog erger . . . Riete groei skouerhoog en waar die sytak van die rivier tot doer bo moes loop om aan te sluit by die hoofstroom, versper sementblokke en dosyne waterpype die pad.        

power town river9

Die verstopte kasduikers (culverts), pypleidings en reuse-sementblok is reg bo-op die vloei van die sytak van die Klein-Brakrivier gebou en blokkeer, tesame met die riete, die normale vloei van die seewater wat hierdeur moet vloei.  

power town river2

Die onooglike en vervalle ou kragstasie teen die pad is al dekades lank 'n groot steen des aanstoots en is ook uitgewys as een van die grootste versperrings in die natuurlike waternetwerk, maar die gebou staan steeds soos 'n seer oog terwyl al hoe meer nuwe inwoners daar intrek wat eintlik in Sonskynvallei hervestig moet word. Die nuwe onwettige strukture sou 'n paar weke gelede afgebreek word nadat wyksraadslede dringend in kennis gestel is, maar niks het nog gebeur nie.

Power Town River

Pypleidings van PetroSA en die munisipale waterwerke lê sommer oral in die toegegroeide rivierloop waar seewater moet deurvloei . . . dié versperrings sou lankal verwyder gewees het, maar iewers ontbreek die wil of belangstelling?  

power town river12

 Waar seewater moes opstoot in die sytak om bo by die hoofstroom aan te sluit, groei net bosse, riete en plante van al die varswater wat van PetroSA in die rivier beland  . . . 

power town river3

 

 

power town river4

Al wat oorgebly het van die rivieroewer waar seewater vryelik moes invloei . . . 

Maar daar is nog hoop . . . want die natuur het 'n manier om homself te genees . . . as die mens net wil ophou inmeng en die natuurwette respekteer?

Hoe lank gaan dié eens pragtige en natuurlike riviernetwerkstelsel nog só verwoes word voordat die betrokke owerhede en leiers daadwerklike en permanente oplossings vir die OORSAAK van die probleem vind? Of word die verantwoordelikheid maar net aangeskuif totdat dit te laat is en miljoene rande gaan kos?   

 

 Lees ook: 

 Related Articles:

 https://www.mosselbayadvertiser.com/News/Article/General/hartenbos-river-unsafe-for-recreational-use-201811300723

 

 

Pin It
Related Articles:

Die toestand van die Hartenbosrivier wek al geruime tyd groot kommer oor die toenemende besoedeling en gesondheidsgevaar wat dit vir strandgangers en liefhebbers van watersportaktiwiteite inhou. Inwoners langs die rivieroewer vrees ook 'n hernieude uitbreking van 'n muggie- en muskietplaag wat in 2016 groot probleme veroorsaak het.

Die versengende droogte wat die Wes- en Suid-Kaap geteister het, het ook daartoe bygedra dat die rivier se afvloei see toe erg belemmer is. Chemiese middels van besproeingstowwe op plase wat in die water beland, riool van inwoners hoër op langs die rivier, asook die afvoerwater van die rioolsuiweringswerke en PetroSA se opgaardam wat daarin gepomp word, is alles faktore wat bydra tot die groeiende probleem. 

Grootskaalse pogings deur die Hartenbos-rivierforum in samewerking met die Mosselbaai Munisipaliteit om die probleem hok te slaan, het tot dusver nie veel vrugte afgewerp nie en volgens 'n inwoner, sal dit 'n "tsoenami" kos om die rivier weer "skoon" te kry en die normale vloei te verseker.

Onderstaande foto's van die rivier is vroeër vandeesmaand geneem en toon duidelik die ertjiegroen-kleur en besoedeling.

'n Dringende versoek om die riviermond oop te stoot tydens die volmaan-springgety op 23 November is egter summier geweier deur die departemente van omgewingsake en ontwikkelingsbeplanning - sonder dat enige redes vir die weiering verstrek is.

 

hartenbos rivier1

 

Hartenbos rivier NOU

 

Kommer oor toestand van Hartenbosrivier

Kommer heers oor die gesondheid van water in die Hartenbosrivier in Hartenbos, ’n gewilde Suid-Kaapse vakansiebestemming, naby Mosselbaai.

 Derduisende mense sak gewoonlik in Desember op dié kusdorp toe. Op 19 November het die uitslag van toetse op rivierwater wat die Hartenbos-rivierforum by ’n onafhanklike laboratorium in George laat toets het, onder meer gewys die sulfaat-, ammoniak- en E.coli-vlakke is hoër as die aanvaarbaar en dui op moontlike rioolbesoedeling. Die water is volgens die laboratorium ook nie vir ontspanningsgebruik geskik nie.

Phillip Vermaak, voorsitter van die Hartenbos-rivierforum, sê ’n versoek wat met die ondersteuning van die Mosselbaaise munisipaliteit gerig is om die riviermond op 23 November oop te stoot, is deur die departement van omgewingsake en ontwikkelingsbeplanning afgekeur. Die situasie is ook aangemeld by die Garden Routedistriksmunisipaliteit, wat onder meer gemoeid is met die monitering van watergehalte in die distrik.

Volgens Vermaak is daar te veel vars water in die rivier, wat ’n soutwaterstelsel is. “By die riviermonding kom soutwater die stelsel binne, maar nie hoër op in die rivier nie.”

Hy sê hulle wil ’n situasie voorkom soos in 2016 toe daar onder meer ’n groot probleem met muggies en muskiete was. Die Hartenbos-rivierforum meen voorts die riviermond moet dringend oopgestoot word voordat groter skade aan die omgewing aangerig word. Die forum het ook gevra dat die departement sy redes vir die weiering skriftelik verskaf, maar wag nog op terugvoering. Die Garden Route-distriksmunisipaliteit is om kommentaar genader, maar het nog nie gereageer nie. 

(Die Burger)

Monitoring measures
Given the concerns raised by the Hartenbos River Forum about water quality in both the river and sea, the Mossel Bay Municipality will initiate several measures to ensure that water quality in the river and at the Blue Flag beach is adequately monitored:

  • Weekly analyses of sea water samples from the Blue Flag beach were to commence on 26 November. These samples will be tested for e-coli, pH and faecel streptococci.
  • Weekly analyses of river water samples by an accredited laboratory were to commence on 26 November. These will be tested for e-coli, pH, faecel streptococci and ammonia
  • Daily dissolved oxygen; salinity; temperature; and pH sampling in the river will also commence upon completion of the supply chain management process. The closing date for tenders is Friday, 30 November. The tests should therefore begin within the next week or two.



https://www.mosselbayadvertiser.com/News/Article/General/concern-about-hartenbos-river-water-quality-201811260325?fbclid=IwAR35ucmxcDSw0BRwENCVnfCoAjZuMWASJhbQ7Y4V51OBQXaqLLVX-o3RQL4

 

Wayne Cockerill van Bloemfontein het onlangs in Hartenbos gekampeer en het dié foto van die sonsondergang met sy hommeltuig geneem.

Pin It
Related Articles:

Terwyl landsburgers toenemend keelvol is vir politieke magspeletjies ten koste van die land en sy mense, ruk dinge nou ook vinnig handuit in Mosselbaai . . .  

mosselbaaimooi

Hoewel mosselbayontheline 'n ONafhanklike, nie-politieke nuus- en bemarkingsplatform is, kon ons nie help om ons keer op keer bloedneus te loop teen politieke inmenging en 'n munisipale monopolie en diktatorskap wat blykbaar oor jare heen gebou is op 'n fondament van vrees, intimidasie en geheimsinnigheid nie.

bosses

Inwoners se vrae en klagtes word bloot geïgnoreer en dié wat desondanks aandring op antwoorde, of uit desperaatheid regstappe doen, word publiek aangeval, verdag gemaak of geviktimiseer - tot só 'n mate dat selfs gevestigde besigheidseienaars te bang is om uit te praat uit vrees dat hul besighede ondermyn sal word . . .

  distress

Ook mosselbayonthelinhet al verskeie kere deurgeloop onder venynige persoonlike aanvalle van uitsluitlik DA munisipale bestuurslui en -lede sodra ons durf waag om kritieke vrae te vra of kritiek van lesers te plaas - ons is selfs van die munisipale medialys verwyder nadat ons reguit vrae oor die geheimsinnigheid rondom die beplande metro-vorming begin vra het nadat lesers se vrae bloot geïgnoreer is.

politician

'n Bietjie ondersoekwerk het egter 'n skrikwekkende patroon van intimidasie, politieke aanstellings, geldverkwisting en diktatorskap, asook 'n sluier van ondeursigtigheid in die Mosselbaai Munisipaliteit ontbloot waarteen al jare tevore gewaarsku is. 

 'n Voormalige munisipale bestuurder onder wie se tien jaar leierskap Mosselbaai tot ongekende hoogtes in die Wes-Kaap en nasionaal gevoer is, het reeds vroeg in 2016 gewaarsku teen politieke inmenging en die wyse waarop DA-kandidate gekies en aangewys word sonder inagneming van hul ervaring en bevoegdheid.

"Die DA en mense van Mosselbaai gaan 'n baie duur prys betaal vir dié fout." (Berig onder)

Woorde wat dalk gouer waar geword het as wat die spreker voorsien het, want as 'n mens kyk watter astronomiese vergoedingspakkette senior munisipale amptenare deesdae verdien en die hoeveelheid geld wat aan konsultante en onbevoegde kontrakteurs betaal word ongeag die gehalte van hul diens of evaluering daarvan, is dit 'n skokkende prentjie wat ontvou.    

Die nuwe vergoedingstruktuur vir munisipale bestuurders wat nou selfs meer as die president kan verdien: 

 

Die nuwe vergoedingstruktuur vir top-bestuurslede wat aan die munisipale bestuurder rapporteer


Van wanneer af word 'n munisipaliteit deur politici beheer en bestuur ten koste van die belange van inwoners en die gemeenskap? 

money

Die verhoogde salarispakkette van tot bykans R4 miljoen wat top-munsipale amptenare nou kan verdien, asook 'n "aankondiging uit die bloute" dat die Wes-Kaapse Provinsie "gevra" is om te help om 'n metropool in die Suid-Kaap te vestig, het 'n tsoenami van ou geraamtes uit die kas laat tuimel. Pertinente vrae wat nooit beantwoord is nie, sluit in: 

1. Wat is die kwalifiserende en bepalende vereistes en kriteria vir senior munisipale amptenare en raadslede en hoe word hul dienslewering en prestasies geëvalueer? Het hulle enige toepaslike ervaring van die portefeuljes wat hulle beklee, of is almal deesdae bloot hoogs betaalde politieke aanstellings en onervare marionette in 'n politieke magspel?

councillors

2. Hoe het dit gebeur dat 'n verhoorafwagtende finansiële bestuurder in Mosselbaai aangestel is ondanks ernstige bedrogklagte teen hom en hy nie dadelik afgedank is nadat hy skuldig bevind is nie?  Marius Botha, voorheen die finansiële hoof van die Karoo-Hoogland-munisipaliteit, is op 1 Desember 2014 aangestel as die hoof van finansies van die DA-beheerde Mosselbaai-munisipaliteit en het destyds die munisipaliteit oor die aanklagte teen hom ingelig.

Marius Botha

’n Bepaling is toe in sy dienskontrak aangebring dat sy dienste beëindig "kan" word as hy aan ’n strafregtelike
oortreding skuldig bevind sou word. Sy dienste is nooit beëindig nadat hy in Mei 2017 skuldig bevind is nie, hoewel opposisiepartye wel geëis het dat hy summier afgedank word.  Hy, sowel as 'n waarnemende finansiële hoof, is blykbaar egter nog tot September betaal terwyl hy al in die tronk was. Dawid Kamfer, Wes-Kaapse leier van Icosa en ’n lid van die Mosselbaai-stadsraad, het in September 2017 gesê:

"Nie net word ’n salaris betaal aan iemand wat aan korrupsie skuldig bevind is en nou in die gevangenis sit
nie, maar iemand word ook betaal om in sy pos waar te neem. Hoe lank gaan die belastingbetalers se geld nog so verkwis word? Dit is skokkend.”
Volgens Kamfer kon Botha se kontrak beëindig geword het toe hy in Mei skuldig bevind is op die aanklagte teen hom. 
law

*Die "onwettige" aanstelling van Botha het verder geboemerang toe hy teen sy skuldigbevinding appeleer en Mosselbaai Munisipaliteit boonop aankla van onregmatige afdanking omdat die oorspronklike kontrak wat hy met hulle gesluit het, glo nutteloos is en nie voorsiening maak vir sy reg op 'n regverdige verhoor nie. Die Mosselbaai Munisipaliteit (en indirek belatingbetalers) dok steeds op vir arbeidsadvokate in dié voortslepende saak wat reeds honderde duisende rande beloop .

DUUR glips:  Boonop het Mosselbaai se oorwegend DA-beheerde raad nou op hul laaste raadsvergadering vir 2018  'n aanbeveling aanvaar dat die afgedankte Marius Botha homself aan 'n prestasie-evaluering onderwerp om te bepaal of 'n prestasiebonus wel aan hom betaal moet word - dit terwyl die Mosselbaai Munisipaliteit reeds bykans 'n halfmiljoen rand se regskoste tot dusver moes opdok in 'n voortslepende hofgeding wat Botha teen die munisipaliteit aanhangig gemaak het oor sy afdanking nadat hy skuldig bevind is op aanklagte van bedrog by 'n vorige munisipaliteit.

Hoekom moet belastingbetalers indirek opdok vir dié voortslepende en peperduur nagevolge van die onwettige aanstelling van 'n verhoorafwagtende munisipale bestuurder as sy aanstelling boonop teen munisipale regulasies was?  

Hoeveel beloop só 'n "prestasiebonus" ? 

Marius Botha prestasiebonus

 

DRIE ervare finansiële kenners en steeds word skoon oudit verbeur? Wie betaal? 

Ná Botha se afdanking is eers Louis Fourie van George vir 'n tydjie gekoöpteer as Mosselbaai se waarnemende hoof finansiële beampte, en daarna is Kobus Bruwer (links onder) op 1 November 2017 in dié waarnemende pos aangestel tot en met die aanstelling van die nuwe finansiële hoof, Dawood Asmal (regs), in Mei 2018. 

finansbestuurder

Asmal, 'n geoktrooieerde rekenmeester wat verskeie finansiële poste in die korporatiewe sakewêreld in Johannesburg beklee het, se aanstelling het weer eens die wenkbroue laat lig omdat hy géén vorige ervaring in plaaslike regering of as munisipale hoof van finansies het nie. Bruwer is sedert Asmal se aanstelling as "konsultant" aangestel om Asmal "op te lei" - 'n pos wat hy, benewens sy werk as boekhouer/konsultant in die private sektor, nog tot einde November 2018 beklee.

*Hierbenewens is 'n voormalige hoof finansiële beampte, Kobus van Niekerk, óók in Mei aangestel om die stormloop klagtes oor en probleme met waterverbruikmonitering namens die kontrakteur IKAPA Reticulation and Flow te bestuur. Dit het gevolg op 'n stortvloed klagtes van inwoners oor hemelhoë water- en ligterekeninge nadat IKAPA-meterlesers blykbaar versuim het om die meterlesings te neem en slegs "geskatte lesings" deurgegee het wat glo minder as die werklike verbruik was.  Van Niekerk is juis aangestel om te verseker dat die IKAPA-kontrakteur daagliks gemonitor en bestuur word.  (Dit terwyl IKAPA betaal word en verantwoordelik is vir die bestuur en programmatuur vir die lees van water en elektrisiteitsmeters.) Mosselbaaiers betaal dus al maande lank vir DRIE finansiële kenners PLUS regskoste wat opbou teen 'n voormalige, geskorste finansiële hoof . . . ? Desondanks het die munisipaliteit vir die eerste keer in sewe agtereenvolgende jare 'n skoon oudit verbeur . . . en word belastingbetalers toenemend gewurg deur stygende munisipale tariewe en belastings.  

finansiële hoof

Mosselbaai se munisipale bestuurder, adv Thys Giliomee (voor) nooi inwoners met watermeterlesingsprobleme om met Kobus van Niekerk (regs) by die munisipaliteit in verbinding te tree. Kobus Bruwer, die waarnemende hoof finansiële beampte, (links) kyk toe. Foto: Nickey le Roux

 https://www.mosselbayadvertiser.com/News/Article/General/planne-met-water-meterlesings-201804121219

Wolk van omstredenheid

Intussen het die storms rondom die omstrede aanstelling van Mosselbaai se laaste munisipale bestuurder en die ondersoek na ongerymdhede tydens sy vorige pos as hoof-uitvoerende beampte van die Wes-Kaapse Drankowerheid, nog lank nie gaan lê nie.

oudit

Foto: Trotse senior bestuurslede spog vroeg vanjaar met die toekennings vir 'n skoon oudit wat Mosselbaai Munisipaliteit vir die sesde agtereenvolgende jaar gewen het. Dié trotse tradisie het vanjaar skipbreuk gely . . .

Adv. Thys Giliomee se "eensydige" aanstelling op 1 Desember 2016 in die plek van die vorige munisipale bestuurder, dr. Michelle Gratz, het hewige kritiek van opposisiepartye in die raad ontlok omdat hy glo nie die vereiste vyf jaar ervaring as munisipale bestuurder het nie en glo ook nie volgens die "normale prosedures" aangestel is nie. ICOSA-raadslid Dawid Kamfer en raadslede van die ander opposisiepartye het laat blyk dat hulle nie geken is in sy keuring en aanstelling nie en ook nie noodwendig daarmee saamstem nie.  ANC-raadslid Jovan Bruinders het gesê Giliomee is deur die DA herontontplooi en nie deur die volle raad aangestel nie. Weens Giliomee se gebrekkige ervaring as munisipale bestuurder sou 'n mentor glo aangestel word om hom aanvanklik by te staan, maar dit het nooit gerealiseer nie.

Kamfer het selfs sover gegaan om in sy hoedanigheid as provinsiale ICOSA-leier en raadslid 'n amptelike klag teen Giliomee se aanstelling by die Minister van Samewerkende Regering en Tradisionele Sake, mnr Des van Rooyen, asook die Openbare Beskermer op George aanhangig te maak.

ICOSA het aangevoer dat Giliomee in 2012 waargeneem het as munisipale bestuurder in Bitou, maar juis nie permanent aangestel is nie weens sy gebrek aan die vereiste vyf jaar ervaring in 'n senior munisipale pos. Van 1 Augustus 2012 tot 31 Oktober 2015 is Giliomee op 'n vastetermynkontrak aangestel as hoofuitvoerende beampte van die Wes-Kaapse Drankraad en kon hy dus geen verdere ervaring in plaaslike regering opgedoen het tot hy skielik in 2016 as Mosselbaai se munisipale bestuurder aangestel is nie, het Kamfer aangevoer. 

 

 https://www.mosselbayadvertiser.com/news/News/General/177310/New-municipal-manager-for-Mossel-Bay

Drankraadsaak oor R9 miljoen vir meubels sloer steeds - nou na SAPD verwys

Intussen is Giliomee sedert einde 2016 geïmpliseer in 'n uitgerekte forensiese ondersoek deur die Provinsiale Forensiese Eenheid na aanleiding van die uitslag van die 2015/16 ouditverslag deur die Ouditeur-generaal oor die aankoopprosesse wat gevolg is vir die meubilering en uitrus van kantoorspasie van die Wes-Kaapse Drankowerheid ten bedrae van R9 miljoen.

In April 2017 het Dan Plato (foto onder), toe LUR vir Gemeenskapsveiligheid, glo gesê 'n forensiese verslag en evaluasie oor dié "onreëlmatige besteding" is aan die voorsitter van die Onafhanklike Ouditkomitee gestuur en ter tafel gelê voor die staande komitee oor openbare rekeninge (SCOPA) in die provinsiale wetgewer.

SCOPA se voorsitter en ACDP-leier in die wetgewer, Ferlon Christians, het dit egter ontken en gesê hy het nooit die verslag gesien of ontvang nie. "Ek wil antwoorde hê oor hoe R9 miljoen spandeer is op meubels vir kantoorspasie van die Wes-Kaapse Drankowerheid as die Ouditeur-generaal meen dit dui op onreëlmatige besteding."

Ferlon Christians

"Wat ons (SCOPA) gewoonlik doen wanneer ons die Ouditeur-Generaal se verslag of oudit ontvang, is om na die verslag te kyk en al die betrokke partye byeen te kry vir 'n inligtingsessie voordat ons besluit wat om te doen.

"Wanneer ek die verslag ontvang, sal ek die komitee byeenroep en ons sal dit so gou as moontlik op SCOPA se agenda plaas om dit so vinnig as moontlik afgehandel te kry.  Ons werk is om seker te maak dat publieke geld op die regte manier aangewend word en alles deursigtig gedoen word. As daar enige onreëlmatighede is, sal ons dit ondersoek", het hy gesê. 

Volgens mediaberigte het Giliomee destyds gesê hy is gereed om homself te verdedig teen enige bewerings van onreëlmatige besteding terwyl hy hoof van die Wes-Kaapse Drankowerheid was.  Hy het gesê die ondersoek beïnvloed nie sy huidige posisie as munisipale bestuurder nie, omdat dit eers begin is nadat hy weg was. Hy het destyds gesê hy dink hy verstaan wat gebeur het.

"Die aanvanklike verslag was onbeslis en is toe terugverwys vir verdere ondersoek. Ek het nie die verslag gesien nie, maar ek is gereed om daarop te reageer," het hy glo gesê.

Christians het egter eers 'n maand gelede die verslag van Plato ontvang. In mediakringe is bespiegel dat die saak net onder die mat gevee sal word. 

In die jongste verwikkelinge is SCOPA in kennis gestel dat die uitslag van die forensiese ondersoek deur die Provinsiale Forensiese Eenheid oor die "onreëlmatige besteding" in terme van die Beheerraad van die Wes-Kaapse Drankowerheid, vir verdere ondersoek na die Polisie verwys is.  

https://www.iol.co.za/capetimes/news/probe-into-liquor-boards-r9m-office-splurge-10016065

https://www.mosselbayadvertiser.com/News/Article/General/nuwe-munisipale-bestuurder-icosa-ontevrede-20170711

https://www.netwerk24.com/Nuus/Politiek/mosselbaai-se-nuwe-munisipale-bestuurder-het-planne-20161214?fbclid=IwAR2ZrIeb4qrfsDYkBSBinU7cNoB-IfqHJik9vph621G_I9ihgoVOtdNvLsk

Skok oor Gratz se onverwagse bedanking

Die skokaankondiging in Mei 2016 dat Mosselbaai se munisipale bestuurder, dr. Michele Gratz, gaan bedank, het inwoners destyds heeltemal onkant betrap - veral oor die ongekende hoogtepunte en prestasies wat die dorp onder haar bestuur bereik het. Tog was dit in munisipale geledere bekend dat politieke inmenging en voorskriftelikheid 'n groot rol in haar bedanking gespeel het. Die ANC het dit ook reguit ná haar bedanking gesê - naamlik dat sy nie langer kon verduur om (deur die DA) voorgesê te word nie.

Michelle Gratz
Foto: Eerwaarde Jim van der Merwe (links), Emil Scheepers (middel) en Raadslid Petru Terblanche by Dr Michele Gratz tydens haar afskeidsfunksie. https://www.mosselbayadvertiser.com/news/News/General/165088/Sad-farewell-to-Municipal-Manager

Dr Gratz, 'n gekwalifiseerde mediese dokter, het reeds in Mei 2016 haar voorneme om te bedank bekend gemaak - 'n jaar voordat haar (tweede) termyn amptelik in Mei 2017 sou verstryk. Sy het amptelik uit diens getree op 3 Augustus 2016 om saam te val met die munisipale verkiesing sodat die raad "genoegsame tyd sou hê om die beste en mees geskikte en ervare opvolger te soek."
Gratz het hoë aansien in Wes-Kaapse munisipale kringe geniet en onder haar leiding het die Mosselbaai munisipaliteit verskeie "eerstes" bereik en talle provinsiale en nasionale eerbewyse ontvang - waaronder vier agtereenvolgende skoon oudits, Groen Dorp-toekenning en die feeste soos die Dias-fees wat steeds 'n hoogtepunt op die dorp se toerismekalender is. (Artikels aangeheg)

Ná haar besluit om te bedank het Gratz haar ware gevoelens en redes vir haar voorgenome bedanking in 'n sterk-bewoorde, vertroulike brief aan Piet Pretorius, destyds die DA-kiesafdelingshoof van Mosselbaai, bekend gemaak. Dié brief, wat ook aan die media en raadslede gelek is, het opslae in die DA-beheerde munisipaliteit veroorsaak - veral omdat Gratz haar sterk uitgespreek het oor die aanstelling van politieke pionne pleks van die beste individue vir die pos - 'n sentiment wat deesdae al hoe meer onder inwoners weerklink. 

https://www.mosselbayadvertiser.com/news/News/General/163636/Shock-over-resignation

https://www.mosselbayadvertiser.com/News/Article/General/gratz-leaves-big-shoes-to-fill-20170711

https://www.mosselbayadvertiser.com/news/News/General/163639/ANC-comments-on-Gratz-resignation

‘DA-lede kan net KFC eet’

‘Party kan in duie stort met nuwe verkiesingskandidate’

Kaapstad. – ’n Vertroulike brief waarin dr. Michelle Gratz, uittredende munisipale bestuurder van die Mosselbaai-munisipaliteit, die DA daarvan beskuldig dat sy raadslede slegs KFC kan eet en vir die kameras poseer, maak opslae in die party.

Dit kan selfs by Anton Bredell, Wes-Kaapse minister van plaaslike regering en die DAvoorsitter in die Wes-Kaap, gaan draai.

In die sterk bewoorde brief, wat aan Netwerk24 gelek is, skryf Gratz aan Piet Pretorius, DA-kiesafdelingshoof van Mosselbaai, dat die DA-beheerde munisipaliteit in duie gaan stort met die nuwe kandidate wat vir die komende munisipale verkiesing aangewys is.

Sy het vroeër aangedui dat sy besluit het om te bedank voor sy die brief geskryf het.

Gratz se ontevredenheid kom nadat ’n dienende raadslid, Emile Scheepers, nie weer deur die DA as ’n kandidaat aangewys is nie.

“Hy is ’n man wat uitstekende werk gedoen het. Ek verstaan nie hoekom die DA hom nie weer verkies het nie. Dit wil voorkom of DA-raadslede by ’n tussenverkiesing moet sit en vir die kameras glimlag terwyl hulle KFC eet,” het Gratz in haar brief gesê.

Gratz, wat Maandag haar laaste werksdag op kantoor deurgebring het, het bedenkinge oor die manier waarop die DA-kandidate gekies en aangewys is.

Die DA en die mense van Mosselbaai gaan ’n baie duur prys betaal vir dié fout.

“Die stelsel wat hulle gebruik, is heeltemal hopeloos. Die kriteria wat die DA gebruik is swak, want dit evalueer geensins ’n raadslid se werk nie. Hoe kan ’n kandidaat binne tien minute geëvalueer word? Met groot respek, die Mosselbaai-munisipaliteit voer veel langer onderhoude met werksoekers. Weet die keuringspanele enigiets van Mosselbaai? Duidelik nie,” het Gratz gesê.

Sy het gesê sy het vantevore in ’n munisipale raad met swak raadslede gewerk.

“Die DA en die mense van Mosselbaai gaan ’n baie duur prys betaal vir dié fout. Net soos pres. Jacob Zuma gedink het sy besluit om Nhlanhla Nene te verwyder sal nie die land benadeel nie, so ook dink die DA dat raadslid Scheepers se verwydering Mosselbaai nie negatief gaan raak nie. Die DA moedig mense aan om vir verandering te stem. As hulle ’n verandering wil bring met swak raadslede . . . Ek wil nie deel wees van ’n sinkende skip nie,” het sy geskryf.

Pretorius, ook adjunkspeaker van die Wes-Kaapse wetgewer, het Donderdag by navraag gesê: “Ek gaan nie kommentaar lewer op Gratz se brief nie. Dit is haar mening van die DA. Dit is die einde van die saak; ek kan niks verder daaraan doen nie.”

Jeanette Gouws, ’n ACDPraadslid van Mosselbaai, het gesê sy het die brief gesien. “Dr. Gratz maak haar skuldig aan inmenging by partypolitiek. Dit is nie haar terrein nie. Die saak behoort verder ondersoek te word. Die ACDP oorweeg om ’n klag by Anton Bredell, WesKaapse minister van provinsiale regering, in te dien.”

Marie Ferreira, Mosselbaai se burgemeester, het by navraag gesê sy het die brief gesien. “Ek gaan nie kommentaar daarop lewer nie. Dit is ’n politieke aangeleentheid.”

Jaco Londt, voorsitter van die DA se Oos-streek, het gesê die party het ’n deeglike en deursigtige keuringsproses vir sy kandidate gevolg.

“Ons het die beste moontlike span vir Mosselbaai aangewys. Enige individu is geregtig op ’n eie mening. Ek is vol vertroue dat Mosselbaai as span sal voortbou op die suksesse van die huidige raad.”

 

Burgemeester doen beroep op raadslede om "saam te staan" teen gemeenskap

Mosselbaai Munisipaliteit
Voorbladfoto: Nicky le Roux

in April 2017 - kort ná die aanstelling van adv. Thys Giliomee as nuwe munisipale bestuurder in dr. Michelle Gratz se plek, het burgemeester Harry Levendal 'n dringende beroep op alle raadslede gedoen om 'n "verenigde front" te handhaaf en saam te staan wanneer hulle met die publiek te doen het.

Met 'n DA-beheerde raad, kom dit eintlik daarop neer dat die opposisiepartye se menings, besware en standpunte ondergeskik is aan die DA-meerderheidsbesluit en dus eintlik net "lastige onderbrekings" in voorskriftelke raadsvergaderings is.

Harry Levendal

"Councillors, when engaging with communities and people, must always support the resolutions, approved policies and plans of the municipality. We need to be seen as one unit leading our people to a better life for them and their children. We must never fight political battles at the cost of the people we serve. The wellbeing of our people must always be the priority, not that of the political party we represent in council.

https://www.mosselbayadvertiser.com/News/Article/General/mayor-calls-for-a-united-front-20170711

Toerisme se vyf top-direksielede loop uit protes teen  voorskriftelike geboelie

In 'n ongehoorde eerste vir Mosselbaai het al vyf direksielede uit die private sektor van Mosselbaai Toerisme vroeër vandeesmaand eenparig hul nominasies onttrek oor die onhoudbare en volgehoue spanning en onenigheid wat bestuursvergaderings sedert die begin van die jaar versuur - blykbaar weens toenemende burokratiese inmenging en outokrasie van munisipale kant.

Dié skoknuus het hewige publieke reaksie ontlok en talle vrae laat ontstaan. Terwyl niemand gekant is teen die aanstelling van nuwe, jong en innoverende kandidate nie, was almal geskok en hartseer oor die manier wat dit moes plaasvind - veral omdat die uittredende direksielede saam dekades lange ervaring het. 

Werner Kock, voorsitter van die raad van direkteure, het die aankondiging gedoen op Mosselbaai Toerisme se laaste Algemene Jaarvergadering vir 2018. Kock het gesê dat hy en sy vier mede-direkteure - insluitende die onder-voorsitter - hulself nie weer beskikbaar stel nie, en nie langer kans sien om onder die huidige onsmaaklike omstandighede in die raad te dien nie. 

Hy het gesê dit is vir hulle 'n baie hartseer dag om hul nominasies te onttrek nadat hulle gesamentlik etlike dekades lank ten nouste betrokke was by Mosselbaai se toerisme en almal juis 'n groot passie daarvoor het. 

Benewens Kock, finansiële bestuurder van die ATKV se Hartenbos-tak wat Mosselbaai Toerisme as direkteur van Hotelle, Rusoorde en Wildplase verteenwoordig het, is die ander direksielede wat uit solidariteit onttrek het, ook die onder-voorsitter, Marika Thomatos (Besighede), Jeanetta Marais (Selfsorg-eenhede); Gerhard van Rooyen (Toeroperateurs en Besienswaardighede/Aktiwiteite) en René Malan (Gastehuise & B&B-huisvesting). 

toerisme4

Foto: Gesoute toerisme-vasvatters sit voet neer teen voorskriftelike burokrasie wat doelstellings ondermyn. Van links is René Malan, Werner Kock, Gerhard van Rooyen, Marika Thomatos en Jeanetta Marais ná Donderdag se historiese AJV waartydens hulle eenparig hul nominasies onttrek het. 

Kock, Thomatos en Marais is tydens die vergadering vervang deur onderskeidelik Michelle Oosthuizen van die Diaz Hotel, Kim Naude van Co-Mind en Tertius Coetzer van Diaz Porto Hotel. Van Rooyen en Malan se portefeuljes moet nog gevul word. Intussen is munisipale raadslid Mark Furness as die nuwe voorsitter aangestel - nog 'n stap wat die wenkbroue laat lig en as 'n "ongesonde situasie" beskryf is omdat dit verdere bewys is van die munisipaliteit se "kaping" van toerisme in die dorp. 

toerisme3

Die drie nuwe direksielede van Mosselbaai Toerisme by die res van die bestuur. Van links is munisipale raadslid Venolea Fortuin, Aneli Gerber, bedryfshoof, Kim Naude (Besighede & Besigheidskamer), raadslid Mark Furness (nuwe voorsitter), Tertius Coetzer (Selfsorg-eenhede), munisipale bestuurder, adv. Thys Giliomee, Michelle Oosthuizen (Hotelle, Rusoorde & Wildsplase) en Charlie Hendrics (gemeenskapsverteenwoordiger). Die eenparige bedanking van al vyf direkteure uit die private sektor, insluitende die voorsitter en ondervoorsitter van die raad, weens beweerde voorskriftelike burokratiese magspeletjies van munisipale kant af het 'n demper op die gebeure geplaas.

Lees die volledige berig hier:

http://www.mosselbayontheline.co.za/index.php/news/breaking-news/168-mosselbaai-toerisme-vyf-direkteure-loop-oor-burokrasie 

Kyk ook ons vorige Facebook-plasing oor verwante sake:

https://web.facebook.com/mosselbayontheline/posts/2284663001764954?_

 

 

 

Pin It
Related Articles:

Sjoe, dit was 'n heerlike sonskyndag, dis amper vakansie en ons sou graag nét mooi vakansiefoto's wou plaas, maar nou gaan dit ROF in die land . . . 

 mooifoto

As dit nie ESKOM is wat ons dalk 'n donker Kersfees gaan besorg nie, is dit hospitale, pasiënte en administrateurs van mediese skemas wat vrees dat die Regering dalk private siekefondse gaan verbied om sy Nasionale Gesondheidsversekering (NGV) af te dwing . . .

  • In Mosselbaai gaan dit OOK rof met stygende misdaad en stygende pryse wat belastingbetalers toenemend doodwurg . . . terwyl dit blykbaar net senior munisipale bestuurders is wat finansieel baat vind. 

Munisipale salarisse

Hoe meer inwoners sukkel om kop bo water te hou, hoe groter word die salarisse en voordele van munisipale amptenare wat die gemeenskap moet dien . . . hoe ironies? Lees ook hier oor nuwe planne om politieke inmenging in munisipaliteite en munisipale hoës se kwalifikasies onder die loep te neem: http://www.mosselbayontheline.co.za/index.php/health/171-politieke-inmenging-en-geskille-in-munisipaliteite-en-amptenare-se-kwalifikasies-bekyk

Deesdae kan senior munisipale bestuurslede selfs meer as die president verdien.
http://www.mosselbayontheline.co.za/index.php/health/173-top-south-african-municipal-managers-can-now-earn-more-than-the-president
 
Selfs 'n dringende mosie deur ACDP raadslid Jeanette Gouws om die hemelhoë nuwe dienstegeld en munisipale tariewe vir pensioenarisse aan te pas, is deur die meerderheid DA-raadslede afgekeur. Die verskoning dat munisipale tariewe nie in 'n finansiële jaar verlaag kan word nie, is deur nasionale tesourie geveto wat bepaal dat tariewe wel verlaag kan word, maar nie verhoog kan word in 'n dinansiële jaar nie. Geen aanpassings om veral pensioenarisse tegemoet te kom, is sedertdien egter nog gedoen nie. 
 
Boonop word nuwe "aankondigings" oor ontwikkelings wat ekonomiese groei moet skep, ook skielik uit die bloute in fynskrif-kennisgewings gedoen sonder dat inwoners 'n idee het waaroor dit gaan of hoegenaamd geraadpleeg word . . . Een hiervan is 'n skokaankondiging deur Graham Paulse, hoof van die Wes-Kaapse departement van plaaslike regering, dat die provinsiale regering "glo gevra is om te help om 'n Metropool vir die Tuinroete te vestig" - spesifiek glo deur die munisipale bestuurder van die Tuinroete Distriksmunisipaliteit, Monde Stratu. 

metropool monde LI

Ons waarsku al lank dat Mosselbaai dalk nou 'n nywerheidsontploffing gaan beleef as die kern van ekonomiese groei in die Tuinroete met die oog daarop om 'n metropool met die sukkelende munisipaliteite van George/Knysna/Oudtshoorn te vorm . . . Het inwoners regtig geen seggenskap meer in sulke besluite wat hul regstreeks raak nie? Die nuus oor die metropool is heel onder weggesteek in die berig wat in die Mossel bay Advertiser verskyn het. 

Graham Paulse1

Die stilswye rondom die moonlike samesmelting met ander munisipaliteite in die Tuinroete om 'n metropool te vorm, pla bekommerde inwoners al lankal. Toe Mosselbayontheline aandring op antwoorde in dié verband, is ons summier van die munisipaliteit se medialys verwyder  Nou het Graham Paulse, Wes-Kaapse hoof van Wes-Kaapse regering, uiteindelik die stilswye verbreek en erken dat die Provinsie gaan help om dit te bewerkstellig . .. sonder enige inagneming van belastingbetalers wat sal moet opdok? Só het ons vroeër hieroor berig: http://www.mosselbayontheline.co.za/index.php/health/144-samesmelting-met-george-om-n-metropool-te-vorm-hoekom-die-stilswye — inMossel Bay, Western Cape.

'n Tydjie gelede was dit weer die burgemeester van die Tuinroete Distriksmunisipaliteit, Memory Booysen, wat tydens 'n sooispit-seremonie "aangekondig" het dat 'n R1 miljard chemiese aanleg op die terrein langs die bankrot PetroSA opgerig gaan word en dat "wetgewing gebruik gaan word om die proses te bespoedig".

Dìt terwyl niemand nog weet waaroor die aanleg regtig gaan, watter chemiese middels gebruik gaan word en wat die impak gaan wees nie. Terselfdertyd is daar skielik 'n kennisgewing dat inwoners voor 7 Desember skriftelik besware of kommentaar moet stuur oor die langtermyn-verhuring van die betrokke perseel ('n gedeelte van erf 419, Mosselbaai) aan Ikusasa Processing Engineering Consultants om 'n chemiese vervaardigingsaanleg op te rig. Sommer net so? Hoe lewer 'n mens kommentaar op iets as jy nie weet wat dit behels nie?

chemical plant kennisgewing

Skriftelike kommentaar/besware oor die beplande R1 miljard chemiese aanleg langs PetroSA moet voor Vrydag 7 Desember 2018 ingedien wees . . . sonder enige verpligte publieke deelnameproses om mense in te lig wat presies beplan word . . . of omgewingsimpakstudies? Lees meer hier: http://www.gardenroute.gov.za/2018/10/02/garden-route-district-municipality-attracts-investment-of-r1-billion/?fbclid=IwAR30ctMseraGXAN-tE4W5_5MjdKbSATpdrTR6tuC_18yqiHad2ZV1Mg2-Io

Dit is hierdie tipe ondeursigtigheid en deurhaas van projekte sonder publieke deelname wat inwoners al hoe warmer onder die kraag maak. Moet hulle net al hoe meer en meer opdok vir basiese dienste en belasting, terwyl hulle geen sê meer het oor wat in die dorp aangaan of beplan word nie, word toenemend gekla.

mooifoto2

Mosselbaai se ongerepte natuurskoon is een van sy grootste bates . . .Hier is een van die mooiste "surf" foto's wat ons vroeër vanjaar geplaas het wat deur Andries Dunn van Surfstompers by die Punt geneem is.

Hemelhoë munisipale tariewe  . .. maar dienste verswak?

Mosselbaai se munisipale begroting van R1.1 miljard vir die 2018/2019 finansiële jaar is tydens die Raadsvergadering in Mei 2018 deur die DA-meerderheidsraadslede goedgekeur ondanks besware deur al die ander opposisiepartye. Ondanks die skerp verhogings in basiese dienste, kla baie inwoners dat hulle al maande lank geen munisipale rekeninge ontvang nie en derhalwe gedwing word om dit fisiek by die munisipaliteit te gaan afhaal - ondanks herhaalde versoeke om dit te epos. In sommige gevalle word hulle selfs gevra om die kontrakteur IKAPA te bel. Besigheidseienaars wie se besigheidsbelasting met tot R1 500 per maand gestyg het, sukkel ook om antwoorde op hul navrae te kry.

  • Dit is ironies dat terwyl inwoners en pensioenarisse sukkel om die verhogings te absorbeer en die top-salarisse van munisipale bestuurslui so drasties verhoog is, Mosselbaai Munisipaliteit sy sewende skoon oudit verbeur het omdat daar vir die eerste keer in sewe jaar nie aan alle vereiste kriteria voldoen is nie.

 

  • 'n Vinnige kykie na die kommentare op die FB-blad "STOP COCT - Dear Cape Town" gee 'n aanduiding van die groeiende woede onder Wes-Kaapse inwoners oor die wyse waarop hulle toenemend deur politici gemelk word, terwyl hulle totaal in die duister gehou word oor planne en ontwikkelings wat hulle direk raak.

 

  • AWAPLASE (VINVIS-BOERDERY) IN DIE SEE

'n Goeie voorbeeld van sulke ondeursigtige en ondeurdagte planne wat deurgehaas word, is die omstrede departement van landbou, bosbou en vissery (DAFF) se betrokkenheid by akwaboerdery-planne vir Mosselbaai . . . nogal op persoonlike uitnodiging van die munisipale bestuurder, adv. Thys Giliomee.

Dit terwyl dié einste departement toenemend onder die soeklig is oor grootskaalse bedrog, onbevoegdheid en perlemoensmokkelsindikate . . . en die omstrede hokvisbedryf wat DAFF ondanks hewige publieke besware en 'n hangende hofgeding op Saldanhabaai deurgestoomroller het, raak nou 'n verleentheid nadat 'n video vrygestel is wat wys hoe 'n rob reeds binne-in een van die hokke beland het. terwyl tientalle ander oral ook in die hokke probeer kom.

As robbe so vinnig binne-in DAFF se vishokke kan kom, dink net hoe lekker sal walvisse, haaie en dolfyne daarin baljaar - veral in Mosselbaai se rowwe seewaters tydens springgety . . . 

aqua seal in cage

  • Só lyk dit deesdae langs die pragtige Langebaan Lagoon en Saldanhabaai waar onooglike drywende vishokke die see ontsier en tientalle robbe lok vir 'n vinnige happie . .. Is DIT en perlemoensindikate wat ook op Mosselbaai wag as akwaboerdery hier ingestoomroller word as deel van die sg. Geïntegreerde Ontwikkelingsplan vir die Tuinroete?

 

 Ons waarsku al lankal teen die sg. akwaboerderybedryf wat die munisipale bestuurder, adv. Thys Giliomee in samewerking met die omstrede en korrupte departement van landbou, bosbou en vissery in Mosselbaai se waters wil kom vestig . . . Só lyk dit in Saldanhabaai se waters - wat glo as voorbeeld vir Mosselbaai moet dien. Lees gerus meer hier: http://www.mosselbayontheline.co.za/index.php/news/breaking-news/143-a-fishy-farce-is-mossel-bay-bullied-into-risky-fish-farming-experiments-by-the-powers-that-be — atSaldanhabaai.

Lees gerus meer hier oor DAFF se vergrype en kyk ook die video van die nuwe vinvisbedryf in Saldanhabaai wat glo 'n voorbeeld vir Mosselbaai moet stel:

https://www.groundup.org.za/…/fisheries-department-rots-top/?

https://web.facebook.com/inge.frost/videos/10213724326407277/

Lees ook die res van die nuus in beeld:

 
 
Image may contain: one or more people, ocean, child, outdoor, nature and water
Image may contain: ocean and text
Image may contain: mountain, ocean, nature, water and outdoor
Image may contain: 1 person
Lees ook ons vorige berigte en Facebook-berigte: oor verwante sake: 
 
 
 
 
 
 
Pin It
Related Articles: