Hannes Marx skryf:

Dankie vir julle overskrokke beriggewing oor die tragiese toestand van die Hartenbosrivier wat in 'n riooldam ontaard het -  soortgelyk aan die Vaalrivier.

Dit is tyd dat die Stadsraad uit hul gemaksone geskud word en ophou om leuens aan die publiek voor te hou met allerhande verskonings en wetgewings oor wie nou eintlik verantwoordelik is vir die rioolstorting, want dit is waar die hele probleem lê.

Om die mond oop te grou, is om 'n pleister op die seer te plak. Om 'n waarskuwingsbord op te sit tydens die feesseisoen, is soos 'n padteken teen "potholes" . . . hulle erken skuld, maar stel nie die fout reg nie.

Nee, daar sal eerder oorsee gereis word vir vriendskapsbande met vreemdelinge as om na die inwoners en onmiddelike natuur se welsyn om te sien.

Blouvlagstrande . . . als lippetaal.

Tyd dat hulle wakker geskud word uit hul gemaksone. 

Verwante Berigte: