Wolwedans Game Farm Oyster World Skorpios Security Beach House Restaurant Property Pointer Reflexions Professional Hair Top Up Service Station Delfinos.Passion for food-Passion for life Ponto Grille and Carvery

 

MosselbayonTheline | First With The News

Die tragiese lewensdrama wat sedert Dinsdagaand die ganse Suid-Kaap in spanningsvolle hoop en afwagting gehou het, blyk ongelukkig wel 'n tragiese einde te hê . . .

George Herald foto

Die Suid-Kaap se polisiewoordvoerder, kapt.Malcolm Pojie, het bevestig dat die liggaam van 'n jong kind uit die water gehaal is by Voëlklip naby Heroldsbaai waar 'n uitgebreide soektog en reddingsaksie sedert Dinsdagaand aan die gang is na die vermiste Heidi Scheepers (35) en haar twee jong kinders, Hugo (2) en Cozette (6).

Heidi Scheepers

Die Scheepers-gesin in gelukkiger tye. Foto: Facebook

Die kinderlykie wat Donderdagmiddag in die see gevind is, is positief geïdentifiseer as dié van klein Hugo. Hy het op die water gedryf en was steeds in sy motorstoeltjie vasgegespe. Die soektog na Heidi en Cozette gaan onverpoos voort.

George Herald foto2

Heidi en die kinders het blykbaar Dinsdagaand spoorloos verdwyn nadat hulle omstreeks 19:00 op die strand op Heroldsbaai naby hul huis gaan stap het. Haar man, Etienne, was blykbaar saam op die gesinsuitstappie omdat hy die volgende dag vir besigheid uitstedig sou wees.

Hy het egter nie saam met hulle in die gesin se donkergrys Volkswagen Caravelle (kombi) teruggery nie, maar met 'n draai huis toe gestap om by hul besighede in te loer. Etienne is die eienaar van die Heroldsbaai Kafee en Heidi behartig die verhuring van vakansieverblyf.

Toe hulle teen 20:00 nog nie terug was nie, het Etienne die Polisie gekontak. Sedertdien is 'n volskaalse soektog na die ma en kinders op tou gesit. Gisteraand is stukke van 'n wrak wat soos die gesin se vermiste kombi gelyk het, onder in die see by Voëlklip gesien. Dit het onmiddellik die vrees laat ontstaan dat hulle by die steil krans afgery en verongeluk het.
Die see was egter gistermiddag te onstuimig om die wrak te probeer herwin.

Image may contain: ocean, sky, outdoor, nature and water

Die spanningsvolle drama het 'n ongekende emosionele reaksie op sosiale media ontlok, aangevuur deur vals gerugte sodat die polisie herhaaldelik 'n beroep op mense moes doen om nie bespiegelinge en vals gerugte te versprei nie.

George Herald foto1

Die joernalis Kristy Kolberg was deurentyd op die toneel en het vroeër vanmiddag bevestig dat sy gesien het hoe personeel van forensiese dienste 'n kindermotorstoeltjie teen die hange van Voëklip opdra met "iets wat soos 'n klein lyfie in 'n wit sak lyk" daarin. Kapt. Pojie het later bevestig dat 'n kinderlykie uit die water gehaal is.

Sy het ook gesê dat Etienne nog nie by Voëlklip gesien is sedert die soektog na sy gesinslede daar begin is nie.

George Herald foto3

Kolberg het 'n tydjie gelede berig die George Herald se webblad gee probleme weens die oorweldigende publieke reaksie en kommentare. Die polisie en noodreddingspanne is steeds op die toneel by Voëlklip om die voertuig, wat vermoedelik wel die gesin se VW Caravelle is, te probeer herwin.

Kapt. Pojie het gesê die ondersoek is in 'n sensitiewe stadium en 'n amptelike polisieverklaring sal uitgereik word sodra hulle meer inligtng het.

Die soektog na Heidi en Cozette duur voort.

Die reddingsdrama het 'n ongekende stortvloed kommentare op sosiale media ontlok en vrese is uitgespreek oor die veiligheid van die Voëlklip-uitkykpunt, wat ook 'n gewilde hengelplek is. Voorstelle is gemaak dat veiligheidsrelings dalk bo die afgrond aangebring moet word.

wrak van Scheepers gesin

Die gebied waar die Scheepers se voertuig gekry is, is naby die plek waar die wrak van die Toyota Hilux-bakkie steeds lê waarin drie mans - MarNic Els (20), Luandro Jansen (21) en Werner Finger (20) - op 15 November 2015 in die vroeë oggendure gesterf het toe hulle by dieselfde afgrond afgestort en in die see beland het. Els en Jansen se liggame is destyds gevind, maar Finger s’n is nooit gekry nie. (Foto bo).

 

wrak van Scheepers gesin1

 Jongste inligting bygewerk:

 

Hugo Scheepers

 'n Gedenkmuur word spesiaal vanaand (25 Oktober) om 19:00 vir klein Hugo Scheepers (2) by sy kleuterskooltjie Little Farm in Heather Park opgerig. Hugo se lykie is gistermiddag uit die see naby Voëlklip gehaal. Die soektog na sy ma, Heidi (35), en sussie, Cozette (6), duur nog voort nadat hul voertuig Dinsdagaand teen 'n afgrond by die Voëlklip-uitkykpunt afgestort het. Die voertuig is intussen herwin, maar geen teken van Heidi en Cozette is nog gevind nie. Hugo se pa, Etienne, het almal wat eer en huldeblyke aan klein Hugo wil betoon, uitgenooi na vanaand se eerbetoning by die skooltjie in Witfonteinstraat 7, Heather Park.

Nog foto's op ons Facebook-blad: 

https://web.facebook.com/mosselbayontheline/posts/2526355510929034?

Related Articles:

Amper drie weke ná die wolkbreuk op 29 September 2019 wat miljoene rande se skade aan huise, paaie en infrastruktuur in veral die Hartenbos-omgewing aangerig het, wag 'n paar ontredderde inwoners wie se huise heeltemal verwoes is, steeds op antwoorde.

Dié relatief nuwe huis in die Monte Christo-spogkompleks in Hartenbos is een van 'n paar wat die spit moes afbyt toe die stormwater op dié Sondagoggend soos 'n rivier reg op hul huise afgepyl en plaveistene meegesleur het.

Die ontredderde eienaars moes onmiddellik die huis ontruim en elders tydelike blyplek vir minstens drie maande lank soek terwyl die skade bepaal word en hul verwoeste meubels en besittings stuk vir stuk weggery word. Op die einde het net die basiese skelet van die huis oorgebly - selfs die skuifdeure moes verwyder word weens die skade wat die modderwater aangerig het.

Wanda Horn15 NB

Wanda Horn, wat tydens die wolkbreuk alleen by die huis was omdat haar man elders werk, het in hartverskeurende Facebook-inskrywings haar aanvanklike vrees, skok en totale ontreddering beskryf.

 

Wanda Horn17

Die foto's, videos en FB-inskrywings waarmee sy stapgewys "dagboek" gehou het om emosioneel staande te probeer bly en sin te probeer maak uit die verwoesting, herinner sterk aan die ontreddering van Seemeeupark se inwoners wie se huise drie jaar gelede deur 'n grondverskuiwing verwoes is.  

Wanda Horn16 NB

"Ons hele lewe soos ons dit geken het, is daardie dag binne minute verwoes. Ons moet onsself fisiek en emosioneel opbou. En ek soek antwoorde . . . "

In 'n SAUK-onderhoud met die Mosselbaai Munisipaliteit is die reuse-skade en ontwrigting afgemaak as iets gering wat weer "reg" sal wees sodra "al die stormwaterpype oopgemaak is" . . .   

Vir die inwoners van Monte Christo is dit egter 'n ramp soortgelyk aan dié van Seemeeupark-huiseienaars wat hul lewe onomkeerbaar verander het.

Hoewel die Horn-egpaar se versekering gelukkig die ergste van die sowat R1,2-miljoen se skade en uitgawes dek, is daar ook baie ekstra uitgawes waarvoor hulle uit hul eie sak moet opdok. "Ons moet intussen TWEE huise se munisipale heffings, elektrisiteit, ens. betaal, ons hond en kat moet elders gehuisves word, ons het al meer as 1 000 km heen en weer gery om assessore, ingenieurs en ander belanghebbendes te gaan sien . . . ons het nie net 'n huis verloor nie, ons het letterlik die lewe wat ons geken en hard voor gewerk het, in 'n oogwink verloor."  

Intussen het die egpaar baie onbeantwoorde vrae en wil hulle weet wat gaan gebeur as dit in die volgende paar maande wat die huis moet "uitdroog" wéér hard reën.

"Hoewel die munisipale bou-inspekteur (mnr. Terence Ludick), die Maandag ná die vloed hier was, het hy net gesê dis die pad se infrastruktuur en nie die munisipaliteit se verantwoordelikheid nie . . . Sedertdien het niemand nog enige aanspreeklikheid aanvaar of selfs net 'n hand uitgereik om ons te ondersteun of uit te vind of ons oukei is nie . . .

"Dis al amper drie weke ná die oorstroming en ons weet steeds nie wie aanspreeklik is of wat nou nie", het sy gesê. 

 

16 Oktober 2019: 

Opvolg tot op hede

Ons huis moet nog staan en son en hitte absorbeer. Dit is glo die rus periode, die settle periode. Maar so kom die een kwotasie en koste berekening na die ander, water het groot skade gemaak en modder nog meer.

Ons hoop vir kalmte die vlg 2 weke verder totdat die groot kap, breek en bou begin. En mag die gemoed ook elke dag beter en sterker word.

Dan weereens baie dankie, soveel reik uit en soveel oproepe en boodskappe nogsteeds. Baie dankie. Ek en Theo waardeer elke oproep, boodskap en gesels in die beweeg so baie.
Dankie, duidende dankies.
 
 
 Wanda12
 
 
 Wanda Horn

Very last things to be dumped. Now our home is only a house. A skeleton of what was . . . 

 Wanda HornWanda Horn1
 
 
 Wanda Horn2Wanda Horn4
 
October 9 at 11:29 AM
 

Aaklig om deur jou huis te stap en niks is meer bekend nie, ek stap in en hoendervleis oorval my. Asof ek in n vreemde instap.....

Ek ontvang soveel bdskpe en oproepe en probeer nogsteeds elkeen antw, maar dit sukkel. Ek sal daagliks n opvolg pos dan weet almal waar ons "track". Baie dankie weereens.

Dit het begin . . . 

Image may contain: sky, tree and outdoor
 
 

To my kids, family, friends and FB friends, I can not thank you enough for all the support, calls, messages and just for being there. My house took a bad water knock, the damage is extensive. I had to vacate the house, my puppy is with friends and my kitten with us at mother-in-law. The real damages will only be determined in the following days, but nothing in my house can be salvaged and structures outside have been washed away.
Thank you from the bottom of my heart.

Wanda Horn14 NB

 

Wanda Horn5

 

Wanda Horn6

Wanda Horn7

Wanda Horn8

Wanda Horn9

12 Ure later. En watter hectic deurmekaar dag gewees. Motor was eerste dinge ingeboek ens. En toe kom die oproepe, die baklei, die probeer te laat verstaan aan die ander kant van die lyn wat dit beteken as water enkel diepte deur jou huis is en net modder en slik agterlaat.

Hoe ongeduldig ek as mens raak as beloftes gemaak word, ons bel u oor n uur en daai uur word 3. Dat jy moedeloos raak, jy het nie krag nie, jy verstaan nie hoe mense nie kan verstaan as jy sê, ek het nie n bed om op te slaap nie, my huis stink, my matte vrot, weet jy hoe lyk jou huis as 'n rivier daardeur is?

En ek twee keer in my vuil badkamer gaan staan en net toegelaat dat rou snikke deur jou liggaam ruk, en dan kry jy weer moed. En dan sê jy hardop, kyk net op en weet waar jou hulp vandaan kom. En dan bel jy weer en dan hou jy aan. Dan kom jou kind en gee jou drukkie en sê, mamma is okay, ek is lief vir mamma. En my skoonseun wat my laat lag.......ma kon darem die huis n slag skoongemaak het. Bietjie humor.


Maar teen 5 uur het ons reeds genoegsame antwoorde, ek wag nog vir my roerende bates versekering om net asb more hul beloftes na te kom en my wel te kontak, glo 24 uur voor eis geregistreer en senior konsultant my sal kontak. My huis is vandag onveilig verklaar vir bewoning, ABSA versekering was so flink van hul kant. Assessors, ingeneurs ens was reeds daar, ABSA sal self n rescue en skoonmaak span instuur en alles uitpluk en net die leë huis los en laat rus totdat al die water sy loop en alles gedoen het. Dan sal alles van vooraf begin.

En asb net vir almal sê, my hondjie wat so rondloop en flink daar tussen die video's gehardloop is, sy is veilig en saam vriende op die plaas en gelukkig. Dankie Johan en Sonette.
My kat, Kayla waaroor my hart so seer was, sy is so angstig en bang en sy is vanaand in n "catery" ingeboek. Arme dingetjie verstaan niks nie.

Dan wil ek net weer vir elkeen, vreemdelinge, vriende, kennisse, familie, kinders so baie dankie sê vir jul oproepe, boodskappe, messenger boodskappe, whatsapp's. Jul woorde van bemoediging, krag en ondersteuning, elkeen beteken so so baie. Jul sal nie glo hoe ek dit waardeer nie.

My skoonma, ma baie dankie. Ek het in een dag tot ma se huishouding kom omkrap, baie baie dankie vir n warm bed, warm maaltyd, my net vasdruk. Dankie ma.

Dankie, duisende dankies.

Wanda Horn18 NB

 Lees ook ons vorige en verwante artikels hieroor:

Wolkbreuk rig reuse-skade aan in Mosselbaai/Hartenbos

Onse eie Water-kaskenades van Sondag  29 september 2019 - huiseienaar se humoristiese herskouing

Seemeeuparkers se vrese, verlies en frustrasies word net erger namate hofsaak sloer en nuwe huise verrys

Seemeeupark-huiseienaars eis miljoene nadat hul spoghuise ineenstort

Seemeeupark: Jy word soos 'n sleg ding op straat uitgesmyt omdat kortpad gevat is met die ontwikkeling. Hoe lank moet ons nog wag?

 

 

Related Articles:
 
'n Groot groep gemeenskapslede en vroue van die aksiegroep Besorgde Vroue van Mosselbaai het vandag met plakkate in en buite die Mosselbaaise landdroshof geregtigheid geëis vir Michaela Booysen (17) wat verlede Sondag wreed vermoor is.

hof Michaela7

Dit het aan die lig gekom dat die 21-jarige beskuldigde, Vusumzi Mafuduka van KwaNonqaba, ook 'n mede-beskuldigde is in 'n ander moordsaak in 2017 toe 'n 19-jarige met 'n mes doodgesteek is.

hof Michaela1

Mafuduka was ten tye van dié voorval ook 19 jaar oud. Een van die vier verdagtes in dié voortslepende saak is intussen vermoor en die saak is glo steeds hangende in die streekhof.

hof Michaela2

Die gemeenskapslede het vanoggend 'n petisielys met meer as 3 000 handtekeninge by die hof ingedien om borgtog aan die beskuldigde teen te staan. Mafuduka het verskyn om aansoek te doen vir regshulp en 'n moontlike borgaansoek.

hof Michaela8

Mej. Tashleen Kadir van die regshulpraad is as sy regsverteenwoordiger aangestel en sy borgaansoek is laat vaar. Hy bly in aanhouding tot sy volgende hofverskyning op 30 Oktober 2019.

Mafuduka is een van drie verdagtes wat kort ná Michaela se dood aangekeer is vir ondervraging. Die tiener is met 'n piksteel oor die kop geslaan toe sy en haar 24-jarige kêrel, Kealin Michaels, glo in die vroeë oggendure in Dywilistraat geloop en gesels het. Net Michaela se swart tekkies is gesteel.

Michaela1

Volgens die ondersoek-beampte, adj. Geoffrey Moos, is die ander twee verdagtes, wat albei maar 17 jaar oud is, intussen vrygelaat weens gebrek aan bewyse en sal hulle as staatsgetuies optree.
Buite die hof het ontstoke gemeenskapslede gesê hulle is keelvol dat daar niks aan die dwelm-, misdaad- en bendeprobleme in Aslapark en omliggende woongebiede gedoen word nie ondanks hul noodkrete.

hof Michaela4

Michaela se dood, asook dié van 'n mede-leerder van Hillcrest Sekondêre Skool, Khuselo Ndanda (17), wat verlede Maandag deur mede-leerders op die skoolterrein met messe doodgesteek is, het 'n kruitvat in die gemeenskap laat ontplof wat al lank prut.

Khuselo Ndanda 4

Vrees is ook uitgespreek dat Michaela se moordverdagte al twee jaar lank vry in die gemeenskap rondloop terwyl hy verhoorafwagtend is in 'n ander moordsaak.

"Ons en ons kinders lewe in vrees terwyl die dwelmbase ons kinders se lewens vernietig. Twaalf laerskoolkinders van 'n plaaslike laerskool is verlede week huis toe gestuur omdat hulle dagga gerook het. Nou vra ek jou - waar kry 12-jariges dagga en tik in die hande en hoekom word die tikhuise en sjebeens waar gesteelde eiendom verkoop of geruil word vir dwelms nie toegemaak nie?

"Ons wys die owerhede waar die tikhuise is en ons word vertel om nie reg in eie hande te neem nie, maar die polisie en owerhede doen niks om die probleem op te los nie!", het 'n ontstoke ouma en een van die vrouegroeplede gesê.

'n Deurnag-biduur (wake) vir Michaela Booysen (17) word eerskomende Woensdagaand 16 Oktober 2019 om 19:00 in die St Blaize Rooms-Katolieke Kerk in Sampsonstraat, Uitbreiding 23, gehou.

 

Lees ook meer hier: http://www.mosselbayontheline.co.za/…/gemeenskap-staan-borg…

Image may contain: 27 people, people smiling
Image may contain: 1 person
Image may contain: 1 person, smiling, closeup and outdoor
Image may contain: one or more people and indoor
 
 
 
 
 
Geweldsmisaad in Mosselbaai ruk nou handuit
14 Oktober 2019 

Ná 'n heerlike sportfeesnaweek in sonnige weer het die Maandag in Mosselbaai wéér met 'n donker wolk van geweldsmisdaad aangebreek . . .

In twee gevalle is mense met vuurwapens deur rowers aangehou en beroof, terwyl 'n man en 'n 14-jarige ook in een van die voorvalle raakgeskiet is.

In die eerste geval gisteraand omstreeks 20:30 is werknemers by 'n taverne in Civic Park - bekend as Hemo se Tavern - deur drie gewapende mans oorval en gyselaar gehou terwyl die rowers die kassier kort voor toemaaktyd gedwing het om die kluis oop te sluit.

Die rowers het met 'n onbekende bedrag geld gevlug. 'n Skoot wat blindelings afgevuur is, het blykbaar 'n man en 'n 14-jarige skrams getref.

In 'n ander voorval is 'n egpaar van Mosselstraat in Glentana vanoggend omstreeks 03:00 deur vier gewapende mans wat met klapmusse vermom was, oorval, vasgebind en gevange gehou terwyl die rowers die huis leeggedra het.

Die vrou het na bewering iemand deur die badkamervenster op die onderste verdieping gesien en haar man op die boonste verdieping geroep.

Toe hy haar te hulp snel, het hy hom vasgeloop in drie mans by die voordeur. Een van die rowers het 'n vuurwapen op die slagoffer gerig en hom beveel om terug te staan, waarop hy die ruit langs die voordeur stukkend geskiet het.

Die vier rowers het die egpaar op stoele laat sit en hul hande en voete vasgebind voordat hulle die huis deursoek het.
Hulle het weggekom met goedere ter waarde van sowat R72 000, waaronder 'n TV-stel, selfone, 'n kamera, skootrekenaars en juwele.
Sover bekend is die egpaar nie ernstig beseer nie.

Niemand is nog in hegtenis geneem in enige van die twee voorvalle nie en mense met inligting wat dalk in die ondersoek kan help, word versoek om die polisie in KwaNonqaba en Groot-Brakrivier onderskeidelik te bel.

https://web.facebook.com/mosselbayontheline/posts/2515767918654460?

Image may contain: one or more people
 
 
 
 
 
 
Related Articles:

Die tragiese dood van twee tieners binne twee dae aan die hand van mede-leerders en jong mense in Mosselbaai, het finaal 'n sweer laat oopbars wat al lank onder die oppervlak broei.

Alle oë is nou gerig op daadwerklike en volhoubare veiligheids- en beskermingsmaatreëls wat ingestel sal móét word om die groeiende bende- en dwelmverwante geweldsmisdade by skole en woonbuurtes in die geteisterde KwaNonqba- en Asla Park-woonbuurtes in die kiem te smoor voordat dit verder uitkring.

Michaela1

Die pragtige Michaela Booysen (17), een van die twee leerders van Hillcrest Sekondêre Skool wat die afgelope week vermoor is. Michaela is Sondag in die vroeë oggendure deur drie aanvallers oorval en met 'n piksteel teen die kop gekap  toe sy en haar kêrel, Kealin Michaels (24), te voet op pad huis toe was in Dywilistraat. Michaela is op die toneel oorlede en net haar swart Nike-tekkies is gebuit. 'n Verdagte (21) is aangekeer en sal weer op Maandag 24 Oktober in die Mosselbaaise landdroshof verskyn vir amptelike borgaansoek. Die gemeenskap is besig om 'n petisie teen sy borgtog te loods.

Khuselo Ndanda 4

Khuselo Ndanda (17), ook 'n leerder van Hillcrest Sekondêre Skool, is Maandag gedurende pouse op die skoolterrein deur drie mede-leerders aangeval en verskeie kere met messe en skerp voorwerpe in die bolyf gesteek. Hy het kort daarna aan sy wonde beswyk. Drie mede-leerders is in hegtenis geneem en sal weer op 17 Oktober in die landdroshof verskyn vir amptelike borgaansoek. 

Terwyl honderde leerders, ouers en gemeenskapslede Donderdag 'n emosionele gedenkdiens ter ere van die vermoorde leerders by Hillcrest Sekondêre Skool bygewoon het, eis die gemeenskap daadwerklike optrede van alle betrokke rolspelers om hul skole en omgewing te beveilig teen ongure, kriminele karakters wat hul gevange hou. Inwoners het op sosialemediaplatforms uitgevaar teen die gebrek aan sigbare polisieëring, sjebeens wat deurnag oopbly en vryelik drank en dwelms aan skoolkinders verskaf, asook die groot aantal besighede in die omgewing waaraan dranklisensies toegestaan word. 

"Dis 'n nes van drank en dwelms by sommige van dié plekke waaraan ons kinders deurgaans blootgestel word. Hoe hou jy nuuskierige skoolkinders weg van winkels in die omgewing op hul daaglikse roetes? Dié plekke hóórt nie hier nie!" het 'n inwoner uitgevaar.

  

Gedenkdiens vir vermoorde tieners

Die skoolhoof van Hillcrest Sekondêre Skool, mnr. Ivan Kronenberg, het geen doekies omgedraai nie en gesê ouers leef in ontkenning oor hul kinders se betrokkenheid by bendes. Hy het ouers gemaan om meer betrokke te wees by die doen en late van hul kinders. 

Gemeenskap is keelvol vir geweld:

'n Groep vroue wat vroeër 'n memorandum aan die polisie oorhandig het teen geweld teen vroue en kinders, het Donderdagoggend by die Mosselbaaise landdroshof betoog waar 'n 21-jarige verdagte in verband met Michaela se moord verskyn het. Hy bly in aanhouding tot Maandag 14 Oktober wanneer hy vir 'n formele borgaansoek sal verskyn. 'n Petisie om borgskap teen te staan, word nou deur die gemeenskap georganiseer. Foto: Mossel Bay Advertiser.  

Vroue betoog teen borg vir Michaela Booysen se moordenaar

Die Mosselbaai Munisipaliteit het gister in 'n mediaverklaring gesê daar is reeds met lede van die bevelstruktuur van die SA Polisie in die Suid-Kaap onder leiding van Genl.maj.Oswald Reddy vergader. Kwessies soos die onaanvaarbare vlakke van geweldsmisdaad by skole, die toeganklikheid van dwelms vir kinders en bendeverwante misdaad is onder meer bespreek. Die voortslepende probleme met infrastruktuur en personeeltekorte by die KwaNonqaba en Groot-Brakrivier polisiekantore het ook weer onder die loep gekom. 

Die munisipaliteit se uitvoerende bestuur het ook reeds vroeër vandeesweek met die kantoorhoof van die Wes-Kaapse departement van gemeenskapsveiligheid, Gideon Morris, geskakel om 'n volledige risiko-analise ten opsigte van skoolveiligheid te onderneem.

Intussen is die familie en vriende van die twee ontslape tieners in rou en Mosselbaai in die nasionale oog om te sien watter maatreëls ingestel gaan word om soortgelyke tragedies te voorkom. Hoewel sielkundige berading en bystand van owerheidskant aan die getraumatiseerde leerders en personeel van die betrokke skool verskaf word, bied dit min troos as die kern van die probleem nie uitgeroei word nie.

Bekommerdfe ouers wil weet of daar nie strenger beheer by skoolingange toegepas kan word nie. 

Hoe is dit moontlik dat kinders met sulke groot messe en wapens op 'n skoolterrein inkom? 

 

Gedenkdiens vir vermoorde tieners1

Verslae en getraumatiseerde leerders, familielede en belanghebbendes het Donderdag se gedenkdiens ter ere van die vermoorde tieners by Hillcrest Sekondêre Skool bygewoon.  Foto verskaf.

Parate buurtwagstelsels, sigbare polisieëring, strenger kontrole van en optrede teen deurnag-drank- en dwelmhuise, asook strenger optrede teen leerders wat met wapens skool te kom, is van die voorstelle uit die gemeenskap. 

Les bes sal ouers ook groter verantwoordelikheid vir die doen en late van hul kinders moet aanvaar en meer betrokke moet raak.

'n Deurnag-biduur (wake) vir Michaela Booysen (17) word eerskomende Woensdagaand 16 Oktober 2019 om 19:00 in die St Blaize Rooms-Katolieke Kerk in Sampsonstraat, Uitbreiding 23, gehou.

Michaela2

'n Huis - en begrafnisdiens vind volgende Saterdag 19 Oktober om 09:00 vanuit die tiener se huis in Barracudastraat 33 in Uitbreiding 13 plaas, gevolg deur 'n kerkdiens om 10:00 in die St Blaize Rooms-Katolieke Kerk.

 Lees ook ons vorige verwante berigte:

Mosselbaai geruk deur twee moorde binne twee dae op skoolkinders.

 

Related Articles:

Die rustige Mosselbaai met sy skilderagtige natuurskoon is die afgelope week tot in sy fondamente geruk deur twee koelbloedige moorde binne twee dae op skoolkinders.

Albei was leerders van Hillcrest Sekondêre Skool in D'Almeida. Dit het 'n kruitvat laat ontplof oor die toenemende geweld by skole wat nou ook na Mosselbaai oorgespoel het.

Die 17-jarige Michaela Booysen is Sondag in die vroeë oggendure aangeval toe sy saam met haar 24-jarige kêrel in Dywilistraat in die woonbuurt Aslapark gestap het. Drie aanvallers het haar met 'n skerp voorwerp teen die kop gekap en met haar swart Nike-tekkies laat spaander. Sy het op die toneel aan die kopwond beswyk, terwyl haar kêrel gevlug het.

Michaela

Khuselo Ndanda (17) is Maandagoggend tydens eerste pouse in 'n messtekery met ander leerders noodlottg gewond. Hy het verskeie steekwonde aan die bolyf opgedoen en het 'n tydjie later in 'n plaaslike hospitaal gesterf.

Khuselo Ndanda 3

Die skokkende voorvalle het 'n vloed van protes en kommer in die gemeenskap ontlok en nasionale nuuskanale oorheers.

Die skoolhoof, mnr. Ivan Kronenberg, het op nasionale TV 'n beroep op ouers gedoen om meer betrokke te raak by hul kinders se doen en late.   

 

 

 

 

Só het ons berig: 

Mosselbayontheline

Die dorp is in skok oor twee skoolkinders van Mosselbaai wat onderskeidelik Saterdagnag en vanoggend in twee afsonderlike, sinlose voorvalle wreed vermoor is. Albei was leerders van Hillcrest Sekondêre Skool. Dit plaas opnuut die soeklig op misdaad, dwelms en bendeverwante geweld wat toenemend die dorp en land lamlê.

Die 17-jarige Michaela Booysen is blykbaar net vir 'n paar tekkies vermoor, terwyl 'n ander 17-jarige leerder van Hillcrest Sekondêre Skool in D'Almeida vanmiddag aan sy wonde beswyk het nadat hy vanoggend op die skoolterrein in 'n messtekery betrokke was.
Die polisie volg in albei gevalle nog leidrade op en niemand is nog in hegtenis geneem nie.

Michaela en haar 24-jarige vriend was blykbaar Saterdag laatnag op pad huis toe, toe hulle omstreeks 03:20 in Dywilistraat in Aslapark deur drie vreemde mans aangeval is.

Michaela is met 'n skerp voorwerp in die kop gesteek en van haar swart Nike-tekkies beroof voordat die aanvallers weggehardloop het. Haar vriend kon daarin slaag om te ontvlug, maar Michaela het op die toneel aan haar wonde beswyk.
Die polisie het 'n dringende beroep op die gemeenskap gedoen om na vore te kom met inligting wat hulle kan help om die skuldiges aan te keer. Die ondersoek-beampte is sersant Deuster (044 606 5600 of 606 5611.

Die skoolseun van Hillcrest SS het later vanmiddag in 'n plaaslike hospitaal weens verskeie messteekwonde aan sy bolyf beswyk wat hy in vanoggend se messtekery by die skool opgedoen het. Die oorsaak van die bakleiery word nog ondersoek.

Dié hartseer dood van twee van Mosselbaai se jongmense binne 2 dae het die gemeenskap verslae.

Op sosiale media is talle boodskappe van medelye, meelewing en troos aan die naasbestaandes gerig, maar vrae en vrese is ook uitgespreek oor die geweld by skole en die toename in misdaad wat die dorp toenemend teister.

Indwe messe

Dìt is waarmee sommige skoolkinders vandag skool toe kom. Van die messe en wapens wat die polisie vroeër vanjaar by 'n ander Mosselbaaise skool, Indwe Sekondëre Skool, gekonfiskeer het.  

Inwoners wil weet hoekom soveel lisensies vir drankhandelaars in hul gebied toegelaat word waar dit snags 'n dwelm- en dronknes word en skoolkinders toenemend geteiken word.

Burgemeester Harry Levendal het die moorde skerp veroordeel - veral boosdoeners wat jong, hulpelose meisies teiken - en 'n beroep op die polisie gedoen om die skuldiges op te spoor en aan die pen te laat ry.

Hy het die gemeenskap uitgenooi na die volgende Biddag wat eerskomende Sondag van 14:30 tot 17:00 spesiaal vir jongmense by Indwe Sekondêre Skool gehou word.

* Die geweld en messtekery by skole weens vermoedelik bende-betrokkenheid raak 'n erge landwye probleem. Elders in die land is 'n leerder ook vandag deur 'n mede-leerder met 'n skêr doodgesteek. By Indwe Sekondêre Skool in Mosselbaai was vanjaar reeds verskeie voorvalle van messtekery waarin leerders ernstig beseer is.

Image may contain: 1 person, smiling, selfie
No photo description available.
Image may contain: 2 people, people standing and outdoor
Image may contain: one or more people and people standing
 
 
 
Indwe
 
Mosselbaaise polisielede ondersoek leerders by Inwe Sekondêre Skool vir wapens en dwelms ná voorvalle van messtekery en geweld vroeër vanjaar waarin leerders ernstig beseer is. 
 
Bendeverwante geweld, wapens en rassespanning tussen bruin en swart leerders kom al geruime tyd by van Mosselbaai se skole voor en het gister uiteindelik tot die tragiese mesdood van 'n 17-jarige leerder by Hillcrest Sekondêre Skool gelei.

Drie mede-leerders van vermoedelik graad 10 -12 is teen 20:00 gisterand in hegtenis geneem nadat die polisie onverpoos gewerk het aan die saak. Die drietal sal na verwagting later vandeesweek in die Mosselbaaise landdroshof verskyn op aanklag van moord.

Die 17-jarige oorledene se naam is nog nie amptelik deur die polisie bekend gemaak nie. * Hy is intussen gedentifiseer as Khuselo Ndanda.

Die omstandighede rondom die gru-aanval word nog ondersoek.
Die seun het in 'n plaaslike hospitaal aan sy wonde beswyk nadat hy gisteroggend op die skoolterrein herhaaldelik met messe en skerp voorwerpe in die bolyf gesteek is.

Luister na die stemboodskap van Polisie-woordvoerder, kapt.Malcolm Pojie, oor die ondersoek: 

Malcolm Pojie

Intussen word siekundige berading deur die Wes-Kaapse Onderwysdepartement aan leerders en onderwysers by die skool voorsien. Die polisie en buurtwaglede van Civic Park en Highway Park patrolleer ook tans die skoolterrein en omgewing om die veiligheid van die leerlinge te verseker.

'n Video waarop duidelik gesien kan word hoe 'n leerder met 'n mes op die skoolterrein van Indwe Sekondêre Skool rondloop, is vroeër op die gemeenskapsblad Extension 13 gedeel. Verskeie voorvalle van messtekery het ook die afgelope jaar by dié skool plaasgevind.

Die gemeenskap reël nou verskeie vergaderings met betrokke partye en owerhede om die onaanvaarbare vlak van misdaad, dwelms en geweld in die KwaNonqaba-omgewing hok te slaan.

* Die sinlose moord op die 17-jarige Michaela Booysen Sondag in die vroeë oggendure het eweneens die gemeenskap met skok en afgryse vervul. Kaptein Malcolm Pojie het vroeër bevestig dat die polisie mense vir ondervraging aangekeer het,maar dit kon nog nie bevestig word of iemand al amptelik in hegtenis geneem is nie.

Michaela, ook 'n leerder van Hillcrest Sekondêre Skool, is met 'n skerp voorwerp teen die kop gekap toe sy en haar vriend in die middernagtelike ure in Dywilisstraat in Aslapark deur drie mans aangeval is. Michaela is op die toneel dood verklaar.

Kyk ook dié video wat vroeër by 'n ander Mosselbaaise skool - Indwe Sekondêre Skool - geneem is waar leerders vlug van 'n leerder wat met 'n groot mes rondloop op die skoolterrein. 

 

Related Articles: