Oyster World Ponto Grille and Carvery Beach House Restaurant Top Up Service Station Reflexions Professional Hair Wolwedans Game Farm Property Pointer Delfinos.Passion for food-Passion for life Skorpios Security

 

MosselbayonTheline | First With The News

Between the Beauty . . . 

Poppy Bayley writes: 

Meandering down through a little seaside town was a river. Winding from the majestic Outeniqua mountains, it did a joyful spin around the town, bubbling its greetings to all.

Giving up of its bounty for those who wanted a fish for a meal. Nature was in perfect balance. Then came the Anglos to settle here. They brought everything into this beauty, even their steel bridges to span the rivers. Putting up factories and building elaborate homes. Slicing heaven into little pockets of land and selling them. 


And the river watched them, still flowing past them on its unhindered way to the spread out estuary and river mouth, where nature abounded. At one point, not too long ago, it was obvious that those who chose to join nature here, would need to plan for "essentials". And convenience.

So heads came together and decisions were made to build a dam. Fooling everyone with elaborate plans and investigations and bait sanctuaries, the people got Wolwedans Dam.

And life was sent on a spinning spiral of destruction. Today the water from heaven trickles down and is stored in this dam, whilst everything downstream shrivelled up and died.

A walk around The Island and a chat to a local resident who has lived there for decades, some almost a century, regale some stories that seem like one of Disney's movies. The tour and what was seen, was a sad testament to the destruction of nature.

One part of the iconic island even bears a name to describe it . . . Stinkhoekie (Stink Corner). From pristine estuary to stink. The bait sanctuary is gone, residents currently trying to get it reinstated to no avail. Mechanical breaching of the mouth is done to fool tourists when it is done just before they get here.

Residents are disgusted with the state of affairs and their calls fall on deaf ears. What can be done anyway? We cannot survive without the dam? Why are there no environmentalists monitoring biota and fauna and flora out there? What is being done/has been done to address these ills in our river?

As in Little Brak River, the environment is buckling under the strain. So too the Hartenbos river.

So who is to blame? Nature itself? Residents who accept? Municipality/government who bulldozes nature? Who will pay the price? Our children already are. Dearly.

 
Greatbraks3
 
How to kill a river . . . Great Brak River estuary with rotting algae filling the river which is standing still with no flow . . . 
 
Greatbraks4
 
Rotting algae with pockets of oil slicks everywhere . . . 
 
Greatbraks2
 
Where a pristine river used to flow from the majestic Outeniqua mountains into the sea . . . 
 
Greatbraks1
 
A view of the island from the island . . . Peaceful and quiet and laid back. Heaven on earth? 
 
Greatbraks
 
A kingfisher on the bridge guardrail . . . 
 
Greatbrak brigit
 
Great Brak River estuary with rotting algae filling the river which is standing still with no flow . . . 
 
 
Greatbrak brigit2
 
"Stinkhoekie" at the quaint little entrance bridge. No water movement here so everything just lies and rots . . . 
 
Meanwhile, this is what is happening at the Kleinbrak River around the corner:
 
 
 
 Also read this article about what is happening at all South Africa's rivers and sewerage plants:  
 
‘Vandag erken die Departement van Waterwese en Sanitasie dat ongeveer 56% van munisipale rioolvullis-behandelingswerke nie reg werk nie en vuil water orals in riviere inloop.’
 
 
 
 
 
Related Articles:

Ou Mosselbaaier skryf:

Ek verwys na die artikel in Rapport van Sondag 7 Julie 2019 waarin die joernalis Hanlie Retief met die jong munisipale bestuurdertjie van Midvaal Munisipaliteit, Bongani Baloyi, gesels. 

Wat 'n mooi suksesverhaal en wat 'n mooi getuigskrif van 'n nederige, slim, jong man. Ek hou veral van sy stelling dat as inwoners hul krane oopdraai, hulle nie omgee watter politieke party se water dit is nie, solank daar net skoon water is.

As lojale Mosselbaaier het ek die afgelope dekade of so met groeiende kommer dopgehou hoe dinge by munisipaliteite verander en gewonder hoe lank so 'n stelsel gaan hou waar politici namens inwoners besluite neem en amptenare op grond van hul politieke affiliasie pleks van hul kundigheid en kwalifikasies aangestel word.

Sal dit nie wonderlik wees nie as ALLE munisipaliteite die jong Bongani se voorbeeld kan volg en sê basta met politiek en 'n stelsel wat kaderontplooing toelaat - al wat 'n munisipale amptenaar moet sê is dat die munisipaliteit sy/haar salaris betaal om die werk te doen en basta. 

Selfs Mosselbaai Munisipaliteit kan dalk 'n lessie of twee by die jonge Bongani leer?   

Hanlie Retief gesels met Bongani Baloyi

Midvaal burgemeester

Midvaal Munisipaliteit se burgemeester, die jong, nederige Bongani Baloyi is baie trots op sy bestaansboerdery. “Ons eet die eiers en groente wat ons produseer en ek slag self die bokke en hoenders.” Foto: Verskaf

‘Mense vra my die heeltyd hoekom die Midvaal-munisipaliteit so ’n suksesverhaal is. Maar dis soos om te vra: Hoekom doen jy jou werk? Ons word betaal om ons werk te doen.

“Ons doen dit. Keep it simple, stupid,” sê Bongani Baloyi met ’n 1 000 watt-glimlag.

In 2013, toe Midvaal se burgemeestersketting aan sy 26-jarige nek gehang is, was hy die jongste Suid-Afrikaner nog in dié amp. Doemprofete het ’n monumentale munisipale inploffing verwag, maar vandag is hierdie munisipaliteit in Meyerton, in die middel van Suid-Afrika se roesgordel, die enigste in Gauteng wat in die jongste ouditverslag ’n skoon oudit ontvang het.

Om ’n munisipaliteit doeltreffend te bestuur, glo Baloyi, moet jy weet dis die klein jakkalsies wat die wingerde verniel. So, as jy die gang afstap na sy kantoor, hang daar nie net toekennings teen die muur nie, maar ook die reuk van industriële skoonmaakmiddel in die lug, so asof elke spikkel korrupsie en wanbestuur hier uitgemop word nog voordat dit vatkans kry. Niks is spandabelrig nie.

Nêrens sien jy dis ’n DA-beheerde munisipaliteit nie. Soms is dit ongemaklike detail, vertel die burgemeesterskomiteelid Peter Teixira. “Hy sal jou Sondagaand negeuur bel en sê Peter, kom help, daar’s ’n ingenieurskrisis. Hy herinner ons hardnekkig en gedurig: Ons is net om een rede hier, die behoeftes van Midvaal se mense.”

Midvaal Mayor Bongani Baloyi

Bongani Baloyi, burgemeester en die man agter die suksesresep van Midvaal, die enigste munisipaliteit in Gauteng wat ’n skoon oudit ontvang het. 

Die mediabeampte Simon Ratlhagane vertel niemand het hom in sy werkonderhoud gevra vir watter party hy stem nie; sy politieke affiliasies was en is irrelevant. Dis “die teenoorgestelde van kader-ontplooiing”.

Net voor ons onderhoud was Baloyi by eNCA vir ’n TV-debat met eerwaarde Gift Moerane, burgemeester van Emfuleni. Soos Charles Dickens se A Tale of Two Cities, is die DA-beheerde Midvaal en die ANC-beheerde Emfuleni buurmunisipaliteite in die Sedibeng-distriksmunisipaliteit. Midvaal is pas deur die ouditeur-generaal geloof vir sy vyfde skoon oudit.

Emfuleni, daarenteen, se oudit kon nie betyds afgehandel word nie nadat ’n junior rekenmeester in die ouditeur-generaal se kantoor te midde van intimidasie en dreigemente geskiet is. “Die weermag help Emfuleni nou met basiese dienslewering,” sê Baloyi met ’n bekommerde kopskud.

“Die weermag moet ons landsgrense beskerm, nie rioolprobleme oplos nie. Dis ’n skreiende aanklag teen plaaslike regering.” Met net 18 uit die 257 munisipaliteite wat skoon oudits ontvang het, plaaslike regering wat huiwer op die rand van ineenstorting, is die tyd vir rugkloppe tussen burgemeesters verby, sê hy. “As ek nie Emfuleni se burgemeester mag kritiseer nie, beweeg ons in ’n gevaarlike ruimte. Só moet hy my ook aanspreeklik hou.”

Midvaal se gemeenskap is ’n mikrokosmos van Suid-Afrika. “Wat my opgewonde maak, is die stedelike verdigting op ou landbougrond. Die manier om arm en middelklasgemeenskappe te integreer is om nuwe buurte te skep wat aan almal in dieselfde omgewing geleenthede bied en waarin hulle infrastruktuur deel.

“As ’n skoon oudit nie lei tot ’n sigbare verskil in die lewens van ons mense nie, help dit niks. Vergeet van die handeklappe, kyk verby die toekennings, fokus op die kwantitatiewe uitwerking op jou inwoners.

Ons inwoners moet kan sê ons het nou uiteindelik werk, daar’s geld in ons beursies. “Vir my is die belangrikste van ’n oudit of ek my voorafbepaalde doelwitte bereik het. Hét ek die toegang tot water van 80% tot 82% verhoog? Dis die detail wat dinge kan beduiwel.”

Jeugbemagtiging is Baloyi se groot passie. Verlede maand het hy ’n beraad vir 500 jongmense aangebied oor hoe die vierde nywerheidsrevolusie deure na ’n beter toekoms kan oopmaak.

“Jeugbemagtiging begin by moedertaalonderrig in die vormingsjare – en veeltaligheid later. Kan jy jou indink as ek en jy hierdie gesprek in my moedertaal gehad het? Dan sou jy die klein nuanses van my kultuur beter verstaan het.”

Sy eie Afrikaans is van die kroeg-tipe, grinnik hy. “Ek gebruik bliksem baie, en daai woord wat Marelize se ma gebruik het!” Toe hy burgemeester word, het hy sy gebrek aan ervaring en institusionele kennis aangepak deur “diep te duik in als wat om my gebeur; ek het elke dokument wat op my lessenaar beland het, gefynkam, en my kollegas grensloos geïrriteer met al my vrae.

Naderhand het ek die kultuur van Midvaal op my vingerpunte gehad. Ek noem dit ‘meedoënlose dienslewering’.” Die bloudruk wat hy as burgemeesterskomiteelid ontwikkel het, is oorgedra na die burgemeesterskantoor. “Daar was aanvanklik ’n ongeërgdheid oor prestasiebestuur, maar dis reeds te laat as probleme eers met kwartaallikse evaluerings aangepak word. Teikens moet deurlopend gemonitor word. Dit hou jou op jou tone,” grinnik hy.

Vaardigheidsvlakke in munisipaliteite is ’n nasionale krisis. “Kaderontplooiing is die sondaar. Gelukkig het ons in Midvaal ’n stabiele bestuur. Ons stel uitsluitlik op meriete aan. Munisipaliteite se salarisperk is gewoonlik te laag om mense met hoë vaardigheidsvlakke te lok, maar Midvaal slaag gelukkig daarin om topamptenare te lok wat selfs bereid is om teen ’n laer salaris te werk. Hulle wil deel wees van etiese leierskap.”

By die meeste plaaslike regerings is politiek die stert wat die hond swaai. “Maar as jy jou kraan oopdraai, is dit nie kommunistiese of Marxistiese of EFF-water nie. Dis net water, en dis al wat mense wil hê.

As mense op plaaslike bestuursvlak praat van ‘politieke uitdagings’, is dit eintlik maar net ’n geveg vir hulpbronne, dis bloot diewe wat baklei vir die beursie.

“Al wat ’n munisipale amptenaar moet sê, is: Die munisipaliteit betaal my salaris, ek moet my werk doen en basta. En ’n burgemeester moet ’n pragmatiese patriot wees.” Die DA het 59% in die 2016-verkiesing behaal, wat sorg vir stabiele regering.

“By Midvaal gaan dit 90% oor dienslewering en 10% oor politiek, en dis hoe dit in koalisies behoort te wees. Ons het ’n gesonde verhouding met opposisiepartye.”

Selfs vyf skoon oudits agtereenvolgens verseker nie dat jou munisipaliteit korrupsievry is nie, het Baloyi in Maart tot sy skok besef. “Kyk, dit was ’n bitter pil toe ons agterkom van die amptenare verkoop poste. Ek moes vrede maak daarmee dat amptenare 99% van die tyd op hul eie werk, hopelik gelei deur hul etiese kompas. Toe ek van die korrupsie hoor, was daar binne sewe dae optrede en binne maande ’n uitslag. “En, belangriker, ons het nou ’n streng arbeidsregister. Dit sal nie weer gebeur nie.”

Was Patricia de Lille se dissiplinêre ondersoek maar so spoedig afgehandel! Hy glimlag breed. “Nou, dís ’n taai een vir ons party. As leiers moes ons beter daarmee gevaar het. Wel, solank dit net nooit weer gebeur nie.” En die DA se swak verkiesingsuitslag? “Ja, ons het bloedneus gekry. Soms het jy ’n vuis in jou gesig nodig om jou weer te laat dink. En dis presies wat die DA-leiers doen, en nee, ons strooi nie ’n suikerlagie daaroor nie.”

https://www.netwerk24.com/Stemme/Menings/hanlie-retief-gesels-met-bongani-baloyi-20190707#disqus_thread

Related Articles:

VERKIESINGSKOORS VERBY - MAAR WAT NOU?

Afgetrede proffie skryf:

Vergun asseblief tog 'n sogenaamde 'outoppie' om ook sy stuiwer in die politieke armbeurs te gooi. 

Positiewe aspekte van verkiesing

Die afgelope verkiesing was seker een van my laastes en 'n mens is verlig dat dit relatief bloedvry en positief afgeloop het, al het duisende stembriewe weggeraak en 'n klomp kiesers sommer 'n paar keer gestem omdat die ink so maklik afgekom het.

Dankie ook vir jul pragtige foto's van my hartsplek Mosselbaai-omgewing en jul ONpartydige beriggewing oor die verkiesing - dis 'n welkome riem onder die hart dat 'n nuusblad hom nie laat insleep by dorpspolitiek en progaganda nie.

Die positiewe van die verkiesing is dat al die politieke partye hopelik nou besef dat hulle oornag uitgestem kan word as hulle nie hul beloftes teenoor kiesers nakom nie. Die publiek is keelvol vir korrupsie en die vermorsing van hul swaarverdiende geld. Die verkiesingstelsel sal hopelik ook nou danksy beskikbare tegnologie gemoderniseer word om vanjaar se probleme in die toekoms uit te skakel. Boonop wil pres. Cyril Ramaphosa blykbaar nou sy kabinet aansienlik verklein en ontslae raak van die vrot appels . . . Ons kan net hoop dit gebeur wel en bly nie net by praatjies nie.

Propaganda

Die feit dat die DA steeds in beheer van die Wes-Kaap bly en Mosselbaai die meeste DA-stemme van alle Wes-Kaapse dorpe ingebring het, is in sekere opsigte goeie nuus. 'n Mens kan egter nie help om te wonder of die DA se propaganda-masjien nie maar baie kiesers uit vals vrees die Blou Kruisie laat trek het om kastig te keer dat die radikale EFF dalk oorneem nie . . . ten koste van kleiner partye soos die ACDP, VF en Good wat 'n goeie balans kan meebring . . . 

Ek is self een van die kiesers wat so ontstig was oor die oordrewe DA-propagandamasjien wat tot op verkiesingsaand om 19:00 nog toegelaat het dat Helen Zille en Mmusi Maimane se hordes sms'e en stemboodskappe jou irriteer, dat ek op die laaste nippertjie vir een van die kleiner, gematigde partye gestem het wat goeie groei getoon het. Die boodskap wat die DA se boelie-taktiek van "verlore stemme" vir my uitgestuur het, is dat as 'n party hom nie eens steur aan die OVK se verkiesingsreëls nie, sal hy hom ook nie steur aan sy kiesers nie . . .   Die goeie vertoning van die VF, ACDP en GOOD het eweneens bewys die DA se bangmaakpraatjies van" 'n stem vir 'n kleiner party is 'n verlore stem" is 'n leuen in 'n proporsionele stemproses. Ongelukkig het baie kiesers dié onwaarheid geglo . . .   

Gesonde kompetisie

Sterk, gematigde politieke kompetisie in die Wes-Kaap is nou baie nodig en die DA behoort uit die uitslae te weet dat kiesers nie langer tevrede is met sy huidige status quo nie . . . 

Mosselbaai:

Die DA se weghol-oorwinning in Mosselbaai is ook tegelykertyd goeie en kommerwekkende nuus, want ook HIER is sterker, gematigde opposisiepartye se stemme broodnodig - veral in die raadsaal waar maak-of-breek-besluite geneem word waarvoor  belastingbetalers moet opdok. 

Dis een ding om gedurig te spog met die Wes-Kaap en Mosselbaai se prestasies, en die skoon dorp, strate, ens. te vergelyk met ander provinsies wat histories 'n totaal ander demografiese bevolkingsamestelling en kultuur gehad het . . . maar intussen is dinge baie vinnig aan die verander.

Die Wes-Kaap se volgehoue waterkrisis, hoogste moordsyfer in die land, hemelhoë munisipale tariewe weens foutiewe watermeters en lesings, dwelm- en perlemoensindikate en bendebedrywighede, ens. is nie juis 'n pluimpie vir goeie regering nie . . . en dit spoel ook vinnig oor na Mosselbaai se kant toe.

Misleidende propaganda 

Mosselbaai is lankal nie meer die rustige vakansiedorpie langs die see nie. Misdaad, betogings en protesoptogte wat paaie versper, stygende munisipale tariewe, behuisingsnood en planne van 'n samesmelting met George is besig om sy tol van inwoners te eis.

Verlede jaar het Mosselbaai en die Swartland-munisipaliteit gesamentlik die top-posisie beklee op die toonaangewende en gesaghebbende Ratings Africa-indeks vir munisipaliteite met die mees volhoubare en stabiele finansiële bestuur. Sedertdien het Mosselbaai vir die eerste keer in sewe jaar sy skoon oudit verloor en ook dié top-posisie op Ratings Afrika verloor . . . terwyl Swartland-munisipaliteit steeds bo-aan die lys is. 

Niks is egter hieroor berig nie en verlede maand is groot gewag gemaak van die nuwe Good Governance Africa-indeks waarvan niemand eintlik nog ooit gehoor het nie en wat eers in 2016 begin het om SA munisipaliteite en inwoners se "algemene welstand" oppervlakkig te evalueer . . .  maar wat weinig te doen het met finansiële bestuur?

Dis uiters misleidend. Dankie dat julle dit onder ons aandag gebring het. 

http://www.mosselbayontheline.co.za/index.php/mosselbaai-bo-aan-lys-van-beste-munisipaliteite-in-land

http://www.mosselbayontheline.co.za/index.php/metro-forming-talks-come-at-all-time-low-for-country-s-municipalities 

Voorts is ek bereid om my laaste pensioengeld daarop te verwed dat nie een van die Seemeeupark-huiseienaars, Aslapark-betogers en ander inwoners wat die afgelope jare groot skade gely het as 'n direkte gevolg van munisipale besluite, vir die DA gestem het nie. Dié groepe inwoners het ook 'n sterker stem in munisipale besluite nodig om die diversiteit en verskillende behoeftes van inwoners meer gebalanseerd en kragdadig op munisipale vlak te verteenwoordig. 

Ons kan net hoop die DA in Mosselbaai sal ook dié vertroue wat nou opnuut in hom gestel is, waardig wees en besef hoe maklik steun kan swaai as inwoners se belange nie op die hart gedra word nie en beloftes nie uitgevoer word nie.  

Laaste klip in die bos: 

In 'n land en dorp wat glo roem op sy Christenskap en Christelike beginsels, is dit vreemd dat 'n party soos die ACDP wat spesifiek dié beginsels voorstaan, nie baie meer stemme lok nie . . . ? In Mosselbaai word gereeld biddae gehou . . . maar waar is die Christene dan op stemdag? 

 

   Lees ook ander briewe: 

 http://www.mosselbayontheline.co.za/index.php/residents-urged-to-boycott-property-taxes

 

Related Articles:

Skokverslag dui op ramp in rade
Deur Dawie 20 April 2019 

As enigiemand nog wonder oor die omvang van die ramp wat Suid-Afrika gaan tref as die Zupta-kamp ná die verkiesing die oorhand oor pres. Cyril Ramaphosa kry, sal Ratings Afrika se jongste verslag enige twyfel uit die weg ruim.


Ratings Afrika beoordeel jaarliks die bestuur van munisipaliteite en kom in vanjaar se verslag tot die gevolgtrekking dat ’n algehele ineenstorting van munisipale dienste moontlik is – “met katastrofiese gevolge vir inwoners en ondernemers, wat op sy beurt politieke onrus kan aanwakker”.
Met diensleweringsopstande regoor die land heen, is die skrif reeds aan die muur.

onluste


Luidens die verslag is die meerderheid munisipaliteite in Suid-Afrika in ’n finansiële krisis, met min of geen maatreëls om doeltreffende beheer oor begrotings uit te oefen nie.

taxpayers1

Minstens 77% van die munisipaliteite in die peiling is in ’n begrotingstekort vasgevang en die algehele verliese beloop R13,3 miljard.
Lees dít teen die agtergrond van 2018 se verslag van die ouditeur-generaal (OG) waarluidens onregmatige uitgawes met 75% toegeneem het vergeleke met die vorige jaar – dít op die hoogtepunt van die Zumabewind. Slegs 49 van die land se 250 munisipaliteite het ’n skoon oudit ontvang.


Suid-Afrikaners se groeiende ontevredenheid met munisipaliteite blyk ook duidelik uit dié instellings se tanende prestasie in die jongste indeks oor verbruikerstevredenheid (Sacsi).


Waar die swakste presteerders luidens Ratings Afrika geleë is, is geen verrassing nie. Dis in die Vrystaat en Noordwes – die politieke hinterland van die Zuptas, onderskeidelik eens onder die vaandels van Ace Magashule en Supra Mahumapelo.

Ons weet nou al die kern van die probleem is swak finansiële bestuur, wat tot die aanstelling van onbevoegde amptenare teruggevoer kan word.
Wat dinge vererger, is gebrekkige vaardighede, gebrekkige verantwoordbaarheid en die feit dat plaaslike regering veral in die ANC as die intreevlak vir selfverryking beskou word.

Te veel munisipaliteite is die slagveld waarop ANC-faksies mekaar die stryd aansê en waar ampte gevul en ontruim word na gelang van die faksie wat beheer voer.
Die gevolg is tweërlei. Die omset van amptenare dwarsboom eerstens die bou van ’n kundige personeelkorps.

Tweedens word ampte beskou as skaakstukke in ’n magspel, eerder as voertuie vir dienslewering aan die mense.


Intussen is dit ook so dat die DA-beheerde munisipaliteite aantoonbaar beter in die beoordelings van die OG, Ratings Afrika en Sacsi vaar.
Wat verder aansienlik kommer oor plaaslike regerings wek, is dat die ANC elke dan en wan speel met die gedagte om die provinsiale regerings af te skaf, kastig om “munisipaliteite se kapasiteit te versterk”.
Dawie verneem ook op goeie gesag dat ’n plan om die getal provinsies van nege tot ses te verminder vorm
aanneem in die ANC.
As dit gedoen word met die politieke motief om DA-beheerde provinsies (ja, naas die Wes-Kaap is Gauteng
en die Noord-Kaap in die opposisie se visier) te verminder, is die dood in die pot nie net vir die demokrasie nie, maar ook vir dienslewering op munisipale vlak.
In die ANC is dit algemene bedryfskennis dat sy gehawende takstruktuur juis toe te skryf is daaraan dat dit die kryt is waarin om munisipale poste meegeding word.
Is die ANC dan doodseker hy wil nóg meer mag en beter betaalde poste by dié reeds giftige brousel voeg as hy provinsies afskaal?
Dawie verwag opstande op ’n skaal wat dié land lanklaas gesien het.

NETWERK24.COM
 
As enigiemand nog wonder oor die omvang van die ramp wat Suid-Afrika gaan tref as die Zupta-kamp ná die verkiesing die oorhand oor pres. Cyril Ramaphosa kry, sal Ratings Afrika se jongste verslag enige twyfel uit die weg ruim.
 
Related Articles:

Twee hartseer selfdood-gesinstragedies kort voor die Paasnaweek waarin twee oënskynlik gelukkige en geseënde pensioenarisse eers hul vroue en daarna hulself met 'n haelgeweer doodgeskiet het, het die land geruk en opnuut vrae laat ontstaan oor watter impak die misdaad, geweld en swak ekonomie in die land op die psige van inwoners het.

Trevor (67) en Elma (52) Davis is verlede Sondag dood in hul huis in Mosselbaai aangetref nadat Trevor eers vir Elma en daarna homself met 'n haelgeweer geskiet het.

In Brackenfell het 'n soortgelyke tragedie homself Woensdagoggend afgespeel toe Izak Niewoudt (62) eers sy vrou Gertruida (ook 62) en daarna homself met sy haelgeweer doodgeskiet het. Hul gebroke seun (ook Izak) het op hul lewelose liggame afgekom en sukkel om sin daarvan te maak omdat sy ouers gelukkig getroud was en almal uitgesien het om saam die Paasnaweek op Langebaan aan die Weskus deur te bring.

http://www.mosselbayontheline.co.za/index.php/selfdood-gesinstragedies-plaas-soeklig-op-pensioenarisse-se-stryd-om-oorlewing

'n Leser se eerlike mening oor dié gesinstragedies waarby "oënskynlik gelukkige" pensioenaris-egpare betrokke is, gee 'n indringende kykie in die werklikheid:

Leser skryf:

"Sterkte Izak en ook aan jou susters. Ek wil jou net gerusstel. Dit is niks wat iemand verkeerd gedoen het nie.

Ek dink dis die tekens van die tyd. Ek en my man is ook jou ouers se ouderdom en ons is ook afgetree. Meeste van
ons kinders is oorsee en ons gun hulle die vrede en beter toekoms wat hulle in ander lande kan geniet.

 

Die lewe hier het baie duur geword en die oumense sukkel om te oorleef. Ek en my man het hard gewerk en al ons kinders deur Universiteit gekry sonder beurse en dinge. Ons het ook albei ons werke verloor en moes elke keer van vooraf begin. 

 

 

Ons blameer niemand nie, life happens, maar omdat daar sekere goed gebeur het is jou finansies in die knyp hier op jou oudag, want jy moes jou pensioen elke keer inboet om kop bo water te hou. 
Die pensioen van jou laaste werkgewer is te klein. Die staat voorsien jou van 'n pensioen, maar dis moeilik om daarmee te oorleef. Jy moet bly afskaal. Jy begin by jou medies, dan jou polisse, dan assuransie en dan jou lewens
standaard. As jou kar breek dan kan jy dit nie regmaak nie en so gaan dit aan.

Jy voel in almal se pad en dan eendag kry jy dit nie meer reg om die masker aan te sit nie. Ek sê nie dit is wat in hierdie mense se geval gebeur het nie en ek veralgemeen nie, so moenie my kruisig nie, maar glo my ek het ook al so gevoel.

Miskien was hulle tydsberekening net uit en moes hulle vir oulaas saam met die kinders gaan vakansie hou het."

Related Articles: