Die Franse petroleumreus Total het nuwe aardgasbronne aan die Suid-Kaapse kus ontdek. Dit open ’n nuwe gas-en-olieveld van wêreldklas en Total is nou goed geposisioneer om die verdere potensiaal van die gebied te toets, het Total Donderdag in ’n verklaring gesê.
PetroSA, die staatsbeheerde petroleummaatskappy, het bevestig hy reik reeds uit na Total oor die potensiële benutting van die gasbronne.
“Die gaskondensaat-fonds deur Total het die potensiaal om Suid-Afrika se energiemengsel te verander. Dit bied moontlikhede vir PetroSA se gas-totbrandstofaanleg by Mosselbaai om teen sy volle vermoë bedryf te word,” het Tumoetsile Mogamisi, kommunikasiebestuurder van PetroSA, gesê.
Die aanleg word tans teen net die helfte van sy vermoë bedryf weens kwynende aardgas- en gaskondensaatbronne, het Mogamisi bevestig.
Gwede Mantashe, minister van minerale hulpbronne, het die aankondiging verwelkom en gesê dit is opwindend vir Suid-Afrika. Dit het die potensiaal om die ekonomie ’n groot inspuiting te gee. “Dit bevestig ons besluit om die wetgewing vir olie en gas van tradisionele minerale te skei is die korrekte een, sodat ons hierdie sektor kan steun om sy volle potensiaal te bereik,” het Mantashe bygevoeg.
Die regering maak so gou moontlik om die gewysigde wetgewing af te handel sodat dit ingedien kan word sodra die nuwe parlement ná vanjaar se verkiesing in sitting is, het hy belowe.
Total het aangekondig hy het ’n wesenlike ontdekking van gaskondensaat in sy Brulpadda-eksplorasieveld aan die Suid-Kaapse kus ontdek. Dit is sowat 175 km suid van Plettenbergbaai in die sogenaamde Outenikwa-kom, in Blok 11B/12B. Die reserwe van gaskondensaat is 57 m diep, het Total bekend gemaak.
Gaskondensaat is die vloeibare vorm van aardgas in sy natuurlike toestand wanneer dit teen ’n sekere temperatuur kondenseer en kan voorkom in olie- of gasvelde. Dis nog te vroeg om te sê hoe groot die nuwe gasontdekking werklik is, het Adewale Fayemi, hoofbestuurder vir eksplorasie en produksie van Total SuidAfrika, gesê. “Die boorgat is suksesvol geboor en die bestaan van petroleumreserwes is bevestig. Baie data asook boorvloeistofmonsters is verkry wat nou ontleed en geïnterpreteer word. Die bevindings sal ’n beter begrip van die Brulpadda-veld gee en ons in staat stel om te bepaal hoe groot die ontdekking is.
“Ons en ons vennote beplan om vanjaar 3D seismiese data te kry en nog eksplorasieboorgate te sink. Die resultate daarvan sal bepaal of en hoe die veld ontgin kan word.”
Total verlede week gesê die veld kan tussen 500 miljoen en 1 miljard vate olie of ekwivalente fossielbrandstof bevat. Kevin McLachlan, senior visepresident vir eksplorasie by Total, het gesê hulle is baie in hul noppies met die ontdekking, wat in “uitdagende diepsee-toestande” geboor is.
Total beoog om tot vier eksplorasieboorgate in die gebied te sink. McLachlan sê die jongste generasie boorskip is gebruik om die eksplorasieboorgat te sink en sy ervaring in soortgelyke diepsee-omgewings soos aan die weste van die Shetland-eilande aan die Britse kus is benut.
Volgens Mantashe was hy die afgelope naweek genooi om Total se boorskip te besoek en om eerstehands oor die resultate van hul eksplorasiewerk ingelig te word. Total en sy vennote in die Brulpadda-veld sal nou 3D- seismiese data insamel en nog vier toetsboorgate sink. Die Blok 11B/12B dek 19 000 vierkante km in waterdiepte wat wissel van 200 m tot 1 800 m. Total het ’n belang van 45% in die projek, met Qatar Petroleum wat 25% besit, CNR International 20% en ’n Suid-Afrikaanse konsortium genaamd Main Street 10%.
PetroSA se vorige poging om ’n invoerpunt vir vloeibare aardgas by Vleesbaai te bou is skerp deur omgewingsaktiviste en gemeenskappe teengestaan. Total se gasontdekking is die eerste in dekades aan die kus van Suid-Afrika, nadat Soekor (voorloper van PetroSA) in die 1980’s die Ibhubesi-gasveld aan die Weskus ontdek het. In die 1970’s is die Kudu-gasveld aan die kus van Namibië ontdek. Nie een van dié gasvelde is tot dusver nog behoorlik ontwikkel nie. Die belanghebbers in die Ibhubesi-gasveld sukkel al jare om met Eskom te onderhandel oor ’n geskikte prys vir die gas om ’n gaskragstasie op land aan te dryf.
Om ná 'n leeftyd se harde werk jou droom te verwesenlik en 'n aftree-huisie by die see aan te skaf waar jy en vroulief jul goue jare rustig kan slyt, is menige hardwerkende mens se droom. As daardie droom en droomhuis egter kort nadat jy ingetrek het, in duisende stukke verkrummel soos die fondasie skuif, raak dit 'n nagmerrie wat min mense hulself kan indink.
Dit is presies wat in 2015/2016 in die spogontwikkeling Seemeeupark in Hartenbos gebeur het toe tientalle nuwe huise so erg begin kraak het weens grondverskuiwings dat die eienaars hul droomhuise moes ontruim en sloop omdat dit te gevaarlik geword het om daarin te woon.
Bykans drie jaar later wag dié huiseienaars steeds dat IEMAND verantwoordelikheid en aanspreeklikheid aanvaar vir dié ramp en hul vergoed vir die verlies wat hulle finansieel sowel as fisiek en geestelik geknak het.
Hartverskeurende verhale van sieklike pensioenarisse wat kort voor die Desembervakansie in 2016 letterlik op straat gesit het omdat hier geen ander blyplek in die "gewilde vakansiedorp" was nie, het hom destyds in Hartenbos afgespeel. Baie van die bejaarde huiseienaars moes noodgewonge en ten duurste tydelike huisvesting buite Mosselbaai gaan huur en hul meubels tydelik stoor terwyl hul droomhuis voor hul oë verkrummel.
Party van die slagoffers het beroertes gekry en ander siektetoestande ontwikkel weens die stres en trauma, terwyl ander noodgedwonge by hul kinders of familielede moes gaan "plak". Hulle kon ook nie meer hul mediese fondse bekostig nie en moes noodgedwonge afskaal tot 'n basiese hospitaalplan en goedkoop blyplek soek.
En tot vandag toe het geen owerheid 'n hand uitgereik en hulle tegemoet gekom vir dié onmenslike onreg nie. Die feit dat die grond waarop die dorpsontwikkeling gebou is, destyds as 'n stortingsterrein en steengroef gedien het en as "onbewoonbaar" en "nie geskik vir residensiële ontwikkeling" gedokumenteer is, speel glo geen rol nie. Die grondverskuiwings is glo 'n "Act of God", 'n onvoorsienbare natuurramp, 'n natuurfrats, ens . . . ?
Wie het destyds die goedkeuring vir die ontwikkeling gegee - ondanks 'n waarskuwing dat dit ongeskik vir residensiële behuising is? Watter toetse is uitgevoer om die stabiliteit van die grond langs 'n steengroef en stortingsterrein te toets? Hoe kan van enige voornemende huiskoper in 'n "goedgekeurde spog-dorpsontwikkeling" verwag word om só 'n verlies te dra as die partye wat die ontwikkeling "goedgekeur" het, skielik geen skuld of aanspreeklikheid aanvaar nie?
'n Groep van 62 huiseienaars staan nou saam in 'n klasaksie-eis om skadevergoeding van miljoene rande te eis van die Wes-Kaapse premier, Helen Zille, die Mosselbaai Munisipaliteit en die Nasionale Huisbouersvereniging. Die dagvaardings is reeds in November verlede jaar op die drie respondente beteken, en die Mosselbaai Munisipaliteit was die eerste wat feitlik dadelik laat blyk het dat hy die eis gaan verdedig . . . met belastingbetalers se geld?
Een van die huiseienaars, Tony Vis, op die plek waar sy spoghuis met 'n praguitsig oor die see eens gepryk het.
Die Mosselbaai Munispaliteit word in die gesig gestaar deur 'n skadevergoedingseis wat tot tweehonderdmiljoen rand kan beloop nadat 62 huiseienaars (meesal pensioenarisse) van die Seemeeupark- en Tuscan Village-spogontwikkelings se huise in 2016 onbewoonbaar geraak het weens grondverskuiwings.
Van die huiseienaars wat nou skadevergoeding van miljoene rande eis.
Die eienaars, wat tot R4 miljoen per huis eis, asook verlies aan inkomste, beweer in hofstukke die Mosselbaaise munisipaliteit was grof nalatig toe hulle in 1999 die behuisingsontwikkelings goedgekeur het ondanks waarskuwings dat die gewraakte stuk grond op 'n ou steengroef is en nie geskik is vir ontwikkeling nie.
Die stuk grond waarop die ontwikkeling gebou is, was eers die familieplaas Vyf Brakke Fonteinen wat glo aan die destydse Mosselbaaise burgemeester, André Nel, behoort het.
Die dagvaardings waarin huiseienaars skadevergoeding van die Wes-Kaapse premier, Helen Zille, die Mosselbaai Munisipaliteit en die Nasionale Huisbouersvereniging (NHBA) onderskeidelik eis, is in November 2018 op die onderskeie respondente bestel. Die Mosselbaai Munisipaliteit het feitlik dadelik sy voorneme om te verdedig laat blyk.
Die grond waarop die huise gebou is, is steeds poreus en onstabiel.
So het die Sondagkoerant Rapport Sondag berig:
Gekraakte huise lei tot groot eis teen Mosselbaai
Altesaam 62 eienaars van spoghuise in Mosselbaai wat onbewoonbaar geword het nadat die grond onder die fondamente begin meegee het, eis nou skadevergoeding van die plaaslike munisipaliteit.
Die eienaars, wat soveel soos R4 miljoen per huis eis asook verlies aan inkomste, beweer in hofstukke die Mosselbaaise munisipaliteit was grof nalatig toe hulle in 1999 die behuisingsontwikkelings Seemeeupark en Tuscan Village goedgekeur het – ondanks waarskuwings dat die gewraakte stuk grond nie geskik is vir ontwikkeling nie. Gapende skeure het sedert 2015 in die mure en vloere van huise in dié spogkomplekse begin verskyn, omdat die grond gedurig geskuif het. Rinette van Niekerk was een van die eienaars wat in September 2016 sewe dae gegee is om haar huis te ontruim omdat dit onveilig geraak het om daarin te woon. Talle huise is intussen deur die munisipaliteit gesloop. Van Niekerk het die destydse raadsbesluit om die ontwikkeling goed te keur vir Rapport gegee. In dié dokument waarsku die stadsbeplanner die munisipaliteit oor ’n ou steengroef op die grond waarop glad nie huise gebou moet word nie. Volgens huiseienaars wys lugfoto’s die huise is toe wel gebou op die deel van die grond waarop die steengroef eens was.
Rapport is ook in besit van ’n brief van die departement van sport en kultuursake wat 19 jaar gelede opnames oor die plantegroei op die grond gedoen het. Hierin word die munisipaliteit gewaarsku dat ’n omgewingskonsultant nooit aangestel is om assessering oor die grond te doen nie.
Patrick Beales, ’n geotegniese ingenieur, sê die verskuiwings onder die grond gebeur tot 18 m diep, wat dit onmoontlik maak om die oppervlak weer te stabiliseer. Die grond skuif elke dag steeds etlike millimeter. Tot dusver het baie eienaars gesukkel om hul skade by hul versekeraars te verhaal. Zurich South Africa, wat 17 van die huise in Seemeeupark verseker het, het in 2016 eise vir strukturele skade aan dié huise geweier omdat inligting oor materiële strukturele afwykings glo weerhou is. Van die eisers, soos die egpaar Da Silva, eis luidens die hofstukke ook hul pensioen en spaargeld by die munisipaliteit omdat hulle nou daardie geld aan huur moet bestee. DJ Goosen het sy aftreehuis laat bou en beweer sy gesondheid ly nou weens stres omdat hy al sy spaargeld aan die huis bestee het. Die eienaars se regspan vra ook verskeie dokumente wat die munisipaliteit sover nie kon of wou verskaf nie, soos die diensooreenkomste voor konstruksie. “Die gemors kon verhoed gewees het as die owerhede hul werk volgens voorgeskrewe wetgewing gedoen het, maar nou draai hulle om en maak asof dit ’n natuurlike grondverskuiwing was,” sê Van Niekerk. Die stuk grond was eens as die plaas Vyf Brakke Fonteinen bekend, maar die munisipaliteit wou nie sê wie die grond destyds besit het nie. Die Mosselbaai-munisipaliteit se regsverteenwoordigers sê hulle gaan nie in hierdie stadium kommentaar lewer nie omdat hulle die saak as sub judice beskou. “Verdere pleitstukke sal gedurende die regsproses tussen die partye uitgeruil word,” sê die munisipaliteit.
Die kleurryke Diasfees wat Sondag ten einde geloop het, is nie net plek-plek deur wind en reën gekniehalter nie. 'n Storm wat ook wêreldwyd opslae gemaak het, het Saterdagaand losgebars toe die Springbok-skrumskakel Faf de Klerk blykbaar weens " 'n misverstand" summier deur die "feesorganiseerder" Edward Jantjies uit die BBP-tent gejaag is.
Dit het die sanger Arno Jordaan só ontstel dat hy glo gesê het hy sal nooit weer by die Dias & Hawefees optree nie. Faf en sy meisie, Miné van Niekerk, was juis daar op uitnodiging van Jordaan wat vir hul almal goue BBP-bandjies bekom het.
Dié herrie wat glo ook as nuusflitse op internasionale medianetwerke soos CNN, BBC en Al Jezeera gaan draai het, het die feeshoogtepunt op 'n effense vals noot laat eindig. Jantjies het glo nooit 'n rede verstrek hoekom Faf die tent moes verlaat nie en wou nie luister na Faf se verduideliking dat hy wel 'n goue BBP-bandjie het nie.
Dié "ongasvrye, arrogante en ondiplomatiese" optrede deur 'n feesorganiseerder het 'n stortvloed kritiek uit alle oorde ontlok.
Die Mosselbaai Munisipaliteit sou glo die voorval ondersoek en teen Dinsdag terugvoering gee, maar teen Dinsdagaand is geen woord nog daaroor gerep nie. Die munisipale bestuurder het wel Sondag namens die munisipaliteit om verskoning gevra op die aanlyn-kommentaarblad onder die Rapport-berig.
Die Sondagkoerant Rapport het soos volg oor die voorval berig:
Springbok by fees uit BBP-tent verjaag
Die sanger Arno Jordaan is woedend en sê hy sal nooit weer by Mosselbaai se Diaz & Port Festival in Mosselbaai optree nie nadat ’n munisipale amptenaar die Springbokskrumskakel, Faf de Klerk, glo Saterdag uit die BBP-tent gejaag het.
Jordaan sê hy het vir hom, sy vrou, Lizanie, en De Klerk en dié se vriendin, Miné van Niekerk, goue BBP-bandjies by een van die feesorganiseerders gekry.
Die gewilde sanger Arno Jordaan en sy vrou Lizanie. Arno wil glo nooit weer by die Dias & Hawedees optree nie.
Jordaan en sy vrou was eerste by die tent en hy het die vier goue bandjies op ’n tafel neergesit en water gedrink. “Dit was so 'n halfuur voordat ek moes optree.” Faf en Miné het ook by die tent opgedaag en die volgende oomblik het ’n man na ons gestap.
Hy het met ’n glimlag aan Faf gesê jammer, maar hulle mag nie daar wees nie. “Ons het eers gedink hy maak ’n grap, maar toe besef hy is ernstig,” sê Jordaan. Dit het gelyk asof hy iets teen Faf het, sê Jordaan.
Faf de Klerk en sy vriendin Miné van Niekerk. Faf is summier deur die feesorganiseerder Edward Jantjies gevra om die BBP-tent te verlaat omdat "hy nie daar mag wees nie".
Hy sê die vrou wat die bandjies vir hom gegee het, het tussenbeide probeer tree, maar die man het gesê hy is die organiseerder van die fees en hulle moet uit die tent. Die vrou het toe in trane uitgebars, sê Jordaan.
“Ek was baie geskok en het gebewe van woede. Ek wou nie verder optree nie.” “Hoe kan ek my beste gee as so iets gebeur?” Ek was so kwaad dat ek gesê het ek gaan vir die mense vertel wat nou hier gebeur het, sê hy.
Hy het toe wel opgetree, maar sê dit was vir hom baie sleg. Intussen het van die ander organiseerders hom om verskoning gevra.
Jordaan sê in sy 16 jaar as kunstenaar het hy nog nie so-iets beleef nie.
Arno Jordaan en Faf de Klerk is groot vriende. Hier is hulle by 'n ander geleentheid saam afgeneem.
“Ons was vier mense met vier BBP-bandjies, hoekom vra hy vir Faf om te loop?” Dit is vir my ontstellend dat een man so ’n slegte atmosfeer by ’n lekker fees kan skep, sê Jordaan. Die fees word aangebied deur die Mosselbaai-munisipaliteit en die Transnet Nasionale Hawe-owerheid (TNPA).
Eduard Hugo, die musiekpromotor wat by die fees betrokke is, het die voorval bevestig het bloot gesê die kwessie is opgelos.
Eduard Hugo is hier aam met die sangeres Charlize Berg wat tydens die fees opgetree het.
Edward Jantjies, direkteur van korporatiewe dienste van die stadsraad en voorsitter van die feeskomitee, het nie sy selfoon geantwoord of onmiddellik op boodskappe gereageer toe hy om kommentaar genader is nie.
Edward Jantjies wat Faf summier beveel het om die BBP-tent te verlaat.
Die fees was Saterdag in ’n stadium weens gure weer onderbreek, maar is nog Sondag aan die gang.
Lesers het ook in hul kommentare hul ongelukkigheid oor die voorval en die gebrek aan meer besonderhede luidkeels gelug. Dit het Mosselbaai se munisipale bestuurder Thys Giliomee genoop om namens Jantjies en die munisipaliteit om verskoning te vra oor die "ongelukkige gebeurtenis". Hy het ook genoem dat Faf hom deurgaans onberispelik gedra het.
Kommentare: Gawie Venter Nou wie is die man?Almal se name word genoem behalwe die een wat die oorsaak van die gemors was.
Thys Giliomee, Mosselbaai se munisipale bestuurder:
Ek het vir beide Arno en Faf om verskoning gevra vir die ongelukkige gebeurtenis namens Mosselbaai Munisipaliteit en die amptenaar. Dit is jammer dat Arno nie die verskoning aanvaar het nie. Na die insident het ons Faf opgespoor en het ek hom persoonlik vergesel na die tent. Ek was gelukkig om 'n foto te kry van Faf saam met ons uitvoerende burgemeester, wat self 'n rugbylegende is. Alhoewel ek om verskoning vra vir die insident, moet Arno verstaan dat die Wes-Kaapse Kabinet ook gaste vir die tent was en dat baie streng sekuriteit toegepas is. 'n Plaaslike kunstenaar, vir wie nie VOORAF gereel is nie, is ook Vrydagaand gevra om die tent te verlaat. Faf se gedrag was ter alle tye onberispelik.
C L Gawie Venter Kyk na die tweede laaste paragraaf.......
Die Beer Hy is seker baie kwaad vir Faf omdat hy die bal so baie wegskop.
Wilma Ferreira Sjoe Mosselbaai Munisipaliteit, 3 negatiewe berigte van ons dorp in die Sondag koerant op een naweek!!? Dit proe sleg....
Adriaan Koen Wilma Ferreira En dit nogal die dorp van die jaar??????
Johan van Zyl Wat bedoel Eduard Hugo met die voorval is opgelos. Bedoel hy Faf is mos nou wegggejaag? Die Diaz & Port Festival moet mooi in die openbaar verduidelik, wat se remediërende optrede geneem is, anders behoort so ‘n fees geboikot word, totdat hulle besef dat daar ander feeste in die land is, waar sulke onvanpaste optrede nie geduld word nie.
Theunis Duminy Stem saam!
Deon Strydom Maak soos die nuwe Suid Afrika Boikot die Fees hulle is mos vinnig om te boikot as dit nou wit op swart is .
Brenda Carelsen Daar is 'n baie toepaslike gesegde: ARENDE VANG NIE VLIEË NIE! Die man het geen maniere nie en hoort deur sy werkgewers gedisiplineer te word maar as ek Faf is, mors ek nie my tyd en energie verder aan hierdie onsmaaklike episode nie!
A J Brenda Carelsen Ek wed jou hy gaan niks oorkom nie.
j c fourie ...en wat was Edward se probleem met Faf.....?
Katrien H j c fourie Dit is die jackpot vraag? As ons net daardie kan weet.
Rose-Mare Strydom j c fourie Wonder mos ook!
Minette van Schalkwyk Iets klink nie reg nie ...
Chris Hank Mnr Jantjies , wat kan jy ons vertel ?....
FJ Pool Wat n skande? Seker n Stormer Lekka WP maltrap fan. Ek is seker Faf was die grootste celebrity op die fees.
Johann Fouche Baai Mosselbaai... Sien julle nie weer volgende jaar nie.
Pontius Le Roux Hierdie berig was hoofnuus op CNN, BBC en Al Jezeera ook.
Rose-Mare Strydom Pontius Le Roux Wonder of hulle meer besonderhede gehad het oor waarvoor Faf gevra is om te loop!?
stephanus johannes van den hee Asseblief maak die man wat faf verjaag het beroemd plaas a foto en adress en cel no as moontlik FAF plaas sy details asb asb of vertel ons sy werik rede en verskoning jy is dit aan publiek verskulig ons hou facebook fop
Frik De Villiers Het die munisipale amptenaar nie ‘n naam nie?
Terwyl Mosselbaai sy vere regskud vir die "koeler" naweek se gesogte Dias & Hawefees wat weer eens 'n lywige feesprogram met top-kunstenaars en hope vermaak insluit, word inwoners en feesgangers ook gemaan teen misdaad en ongerymdhede wat vinnig toeneem namate die mooie dorp uit sy nate bars.
* 'n Gewapende rooftog waartydens twee jong werknemers van Patrick's Pub & Restaurant in Marshstraat gisternag met messe en 'n panga gedreig en vasgebind is voordat die rowers met 'n skootrekenaar en sowat R50 000 uit die kasregister weggekom het, is die jongste in 'n vlaag voorvalle van gewapende roof in die omgewing. Volgens speur-adj. Erard Briel het die voorval gisternag omstreeks 02:10 kort ná sluitingstyd gebeur terwyl die twee werknemers - 'n jong man en vrou - alleen besig was om op te ruim en geld te tel. Volgens hul getuienis het drie mans - twee bruin en 'n swart man - die kroeg ingekom. Twee was gewapen met messe en die derde met 'n panga en hulle het Afrikaans gepraat. Hulle het die werknemers gedreig, vasgebind en toe laat spaander met die kasregister se geld, asook 'n skootrekenaar. Voordat hul vort is, het hulle ook die video-beeldmateriaal verwyder. Die werknemers kon gelukkig daarin slaag om hulleself los te woel en hulp te ontbied. Enigeen met inligting wat moontlik kan lei tot die opsporing van die rowers, word dringend versoek om speur-adj. Erard Briel te kontak by 060 525 3848.
* Meer voorvalle van gewapende roof op ons vorige plasing.
* Intussen raak inwoners ook toenemend bekommerd, kriewelrig en ongemaklik oor multi-miljardrandprojekte, ontwikkelings en nywerhede wat oral opduik en beplan word - sonder dat enige inligting beskikbaar is. Mosselbayontheline word oorval deur navrae en klagtes oor onder meer wat presies by die nuwe hawe-ontwikkeling beplan word, asook die klomp dorpsontwikkelings wat oral geadverteer word soos Outeniquabosch, Paradise Coast, Nautilus Bay, Seegenot en Rheebok Village Estate.
"Die dorp se infrastruktuur en padverkeer kan klaar nie die huidige inwonerstal hanteer nie. Is hier genoeg water vir almal en wat van die riool en vullis?" "Kyk hoe lyk die Hartenbosrivier van al die riool, en bouwerk aan die nuwe distriksstortingsterrein is nog nie eens begin nie." "Dit help nie om mense - veral afgetrede pensioenarisse - hierheen te lok met idilliese voorstellings van 'n rustige, ongerepte vakansiedorp as die dorp nou in 'n stad en nywerheidsgebied ontaard wat sy hele karakter gaan verander nie. Hoekom hoor ons niks meer van die Metropool-planne nie?"
Bogenoemde is van die vrae en kommer waarmee huidige en toekomstige inwoners sit. Daar word gevrees dat ontwikkeling te vinnig, ondeursigtig en ondeurdag plaasvind en dat inwoners geen sê het in besluite wat hulle regstreeks raak nie. "Kyk wat het gebeur in Seemeeupark waar tientalle huise ineengestort het omdat die nodige toetse en voorsorgmaatreëls nie getref is nie. Dit help nie om ontwikkelings deur te jaag sodat niksvermoedende inwoners later met die gebakte pere sit nie."
* Intussen het die Garden Route Distriksmunisipaliteit 'n algehele ommeswaai gemaak rakende die beoogde chemiese aanleg langs PetroSA wat verlede jaar voortydig met 'n amptelike sooispit-seremonie "ingehuldig" is voordat enige planne nog in plek was of enige omgewingsimpakstudie gedoen is. Lees meer hier: http://www.mosselbayontheline.co.za/…/206-total-turnabout-r…
* Inwoners van Klein-Brakrivier is ewe ontstig oor die munisipaliteit se "geldverkwistende planne" om Beyersstraat op te gradeer en loopvlakke en parkeerareas langs die rivier aan te bring vir "die vyf tot tien dae van die jaar" wanneer hier 'n klomp vakansiegangers is. "Die vakansiegangers pla ons as inwoners nie en hulle beskadig nie die duine wanneer hulle langs die pad parkeer nie. Hulle hou juis van die ongereptheid, want dis die hele bekoring van die omgewing!" Inwoners meen die mees logiese, goedkoopste en eenvoudigste oplossing vir die sandprobleem by die bestaande parkeerarea is om inheemse duinplante aan te plant wat die duine bedek en wind-erosie uitskakel.
Following last year's contentious and out of the blue "announcement" and sod-turning ceremony by the Garden Route District Municipality to celebrate the speedy construction of an R1 billion chemical plant next to PetroSA that would supply at least 3 000 jobs within a year, a complete turnabout has now been made.
In the latest GRDM media release, the planned chemical plant proposed by Ikusasa Processing Engineering Consultants has been put on the back-burner pending the finalization of plans and an environmental impact study, etc.
During the official sod-turning ceremony in October last year was from left Lee Norman, chairperson of Ikusasa Process Engineering Consultants, André Theunissen, a director of Ikusasa, Memory Booysen, mayor of Garden Route District Municipality, Harry Levendal, mayor of Mossel Bay and Shadrack Tshikalange, port manager at Mossel Bay TNPA.
The latest media release is in stark contrast with what the mayor of the GRDM, Memory Booysen, said during the official sod-turning ceremony in October last year when he announced that this time, the law will be "used to let things happen and speed things up . . . "
According to the media release, the development of the regional waste management facility on the same 205-hectare property as the proposed chemical plant will be prioritized to be finalized by the end of 2019.
Booysen's premature announcement about the chemical plant and the hasty manner in which it was to be implemented, caused a public outcry as no information whatsoever was made available and no legal processes were followed.
Residents and affected parties were supposed to submit their written comments or objections to the proposed plans on or before December 7, 2018, whilst no details about the proposed chemical plant were known.
Meanwhile, another application has been received to lease 10 hectares of the same property, which forms part of Erf 419, adjacent to PetroSA, for the construction of a petroleum product storage facilities. In the long term, the company intends to expand their business into a lubricant oil or a lube oil blending plant.
Regional Waste facility
Foremost is the development of the regional waste management facility on Farm 419, Mossel Bay that is said to be finalized by the end of 2019.
The facility will occupy +-70% of the 205-hectare property (approximate size of 143.5 hectares) belonging to GRDM. A private partner was selected by GRDM and a Public Private Partnership agreement will soon be entered into between the District Council and the company. Constructing and operating the facility for a period of ten years will be the responsibility of the appointed company.
Bitou, Knysna, George, and Mossel Bay Municipalities will make use of the Waste Management Facility which will deal with domestic and hazardous waste disposal. Mobile chipping and crushing facilities will be included to assist the four Local Municipalities with Green Waste Management.
In addition to the Regional Landfill Facility, the following two proposals were received and are subject to all applicable legislation, application requirements, and approvals. One proposal was received from Ikusasa Processing Engineering Consultants (PTY) Ltd and the other from Moumakoe-Geza Joint Venture. Sufficient land (+-30% of the 205 hectares of land) is available on Farm 419 for these developments.
Ikusasa Processing Engineering Consultants
The Garden Route Investment Conference, which was held in March 2018, stimulated the interest of two multi-national companies to invest in the Garden Route. One of the two, which is known as Ikusasa Processing Engineering Consultants (PTY) LTD, approached GRDM with a proposal stating their intent to erect a chemical plant that will support the wide variety of sectors in the region and outside portion of Farm 419 in Mossel Bay.
The size will be determined once the necessary plans are finalized and presented to the Garden Route District Municipality and approved by Mossel Bay Municipality. Necessary studies i.e. EIA's will also have to be undertaken for this proposed development.
Moumakoe-Geza joint venture
Moumakoe-Geza joint venture has recently requested to lease 10 hectares of GRDM land, which forms part of Erf 419, adjacent to PetroSA for the construction of a petroleum product storage facilities. In the long term, the company intends to expand their business into a lubricant oil or a lube oil blending plant. The plant will have the capacity of producing 20 800 000 liters of blended products per annum. Studies have revealed that South Africa has a lubricant demand of 2 million barrels per annum.
This project is, therefore, a win-win solution for the Garden Route in terms of social and economic development. Necessary studies such as environmental impact assessments will also have to be undertaken for this proposed development.
Apparently, Mr Ludwe Geza indicated that the first order of business for the Moumakoe-Geza joint venture would, in fact, be storage facilities similar to what PetroSA operates in Voorbaai. He was adamant that the lubricant and/or lube oil blending plant is not an immediate priority but instead mooted as a long term goal for their endeavor.
Die identiteit van die onbekende vrou wie se liggaam verlede Maandag in die see by die Punt gekry is, is vandag deur die Mosselbaai Polisie bekend gemaak nadat haar naasbestaandes in kennis gestel is.
Die oorledene is positief geïdentifiseer as die 39-jarige Lizel Gerber van Mosselbaai. Volgens speur-adj. Pieter Koekemoer is die omstandighede rondom haar dood nog onbekend, maar geen gemene spel word vermoed nie.
Foto: Wyle Lizel Gerber (39)
Die vreemde en geheimsinnige omstandighede rondom Gerber se dood het die afgelope week 'n groot opskudding veroorsaak - veral omdat geen vermiste persone by die plaaslike SAPD aangemeld is nie. Daar is selfs bespiegel dat die onbekende vrou, wie se liggaam deur 'n besoeker in die water gesien is, dalk dié van 'n feesganger by die MosJazz-fees is, of dié van die Noorweegse student Marie Ostbo, wat in April verlede jaar by Myoli-strand naby Sedgefield vermis geraak het. Ostbo word steeds vermis en haar liggaam is ondanks uitgebreide soektogte op land en see steeds nie gekry nie.
Meer besonderhede oor wyle Lizel se tragiese dood is in dié stadium nog nie bekend nie. Ons innige medelye aan haar naasbestaandes, familie en vriende wat op só 'n manier van haar heengaan moes uitvind.
Enigeen met inligting wat meer lig kan werp op wyle Lizel se laaste bewegings en die omstandighede rondom haar dood, word dringend versoek om die ondersoek-beampte, speursers. Andrew Salemane by 044 606 2850 te bel.
Opvolg: Die vermiste vrou van Muizenberg, Angelique Ripepe (25) is ongedeerd in Kaapstad se suidelike voorstede opgespoor en met haar familie herenig. Geen nuwe inligting rakende die onbekende jong vrou wie se liggaam Maandag in die see by die Punt gekry is, is egter nog bekend nie.
Foto: Angelique Ripepe (25) is ongedeerd gevind ná haar verdwyning.
Hoewel baie bespiegelinge die rondte doen oor die oorsaak en omstandighede van die vrou se dood, wil die SAPD in dié stadium verkieslik nie meer besonderhede verskaf voordat die amptelike uitslag van die nadoodse ondersoek afgehandel is nie.
Opvolg: Liggaam van onbekende vrou by die Punt "waarskynlik NIE" dié van vermiste jong vrou van Kaapstad nie, "maar alle moontlikhede word ondersoek".
Die raaisel rondom die identiteit van die onbekende jong vrou wie se liggaam Maandag in die see by die Punt gekry is, is steeds onopgelos. Kaptein Malcolm Pojie, Suid-Kaapse Polisie-woordvoerder, het by navraag gesê hoewel geen gemene spel in dié stadium vermoed word nie, kan geen moontlikhede uitgeskakel word nie. Niemand het egter nog na vore gekom om die liggaam positief te identifiseer nie.
Pojie het reageer op ons navraag of die liggaam nie dalk dié van die vermiste Angelique Ripepe (25) van Muizenberg is wat sedert Saterdag vermis word nadat sy vir 'n werksonderhoud in Tableview gegaan het nie. 'n Leser het 'n foto en berig van die vermiste Ripepe aan Mosselbayontheline gestuur en gevra of dié moontlikheid al ondersoek is. Kapt. Pojie het gesê dis onwaarskynlik omdat die oorledene 'n blanke vrou is en Ripepe bruin is, maar dis nie onmoontlik nie en sal verder opgevolg word. Op die foto hieronder kan gesien word Ripepe is lig van kleur.
* Lesers het met skok en ongeloof reageer op ons berig hieronder oor die toename in gewapende roof en brande in die Mosselbaai-omgewing. Intussen het dit aan die lig gekom dat nóg 'n plaaslike paartjie verlede week die slagoffers van gewapende rowers was op hul kleinhoewe op Aalwyndal.
Die egpaar in hul vroeë sewentigs is op Donderdag 17 Januarie omstreeks 23:00 deur ses goedgeklede mans in hul huis in Rooikatstraat oorval, aangerand, vasgebind en beroof. Volgens 'n berig in die Advertiser was die mans met onder meer handwapens bewapen en het hulle klapmusse gedra. Die huiseienaar is glo twee keer met 'n handwapen teen die kop geslaan en sy vrou het ook beserings aan haar arm en bene opgedoen waarvoor albei later in die Life Bayview-hospitaal behandel moes word. Die rowers het blykbaar Afrikaans gepraat en sowat 'n uur lank die huis deursoek vir waardevolle items. Hulle het met verskeie plasmaskermtelevisies, rekenaartoerusting, kontant en waardevolle juwele ontvlug.
Nadat die rowers padgegee het, kon die man daarin slaag om homself en sy vrou los te woel en die alarmknoppie te druk. 'n Familielid wat naby woon, asook lede van 'n private sekuriteitsmaatskappy was gou op die toneel.
Ondanks 'n uitgebreide soektog, is niemand nog in hegtenis geneem nie. Enigeen met inligting word versoek om die ondersoek-beampte, sers. Adéle Binneman by die Da Gamaskop-polisiekantoor te kontak by 044 606 2200.
Ons het gister soos volg berig:
Vreemde en onverklaarbare dinge gebeur deesdae in Mosselbaai wat nie net die Polisie en nooddiensspanne besig hou nie, maar ook die publiek en buurtwaggroepe se paraatheid, oplettendheid en samewerking verg.
1. Die MosJazz-fees was skaars verby, toe die liggaam van 'n onbekende jong vrou gister kort ná middagete in die see by die Punt gekry is. Wat die ondersoek bemoeilik, is dat geen vermiste persoon of geval van verdrinking by die SAPD aangemeld is nie. Die oorledene - 'n jong, blanke vrou met lang swart hare - is vermoedelik in haar laat tiener- of vroeë twintigerjare en was in 'n swart bikini-bostuk en denim-kortbroek geklee. 'n Man het die liggaam glo Maandag by die sloepe in die see sien dryf en die Polisie en NSRI ontbied, waarna sy uit die water gehaal en na die forensiese patologie-eenheid geneem is. ‘n Geregtelike doodsondersoek-dossier is geopen. 'n Beroep word op enigeen met inligting gedoen om na vore te kom om die identiteit van die oorledene en die omstandighede van haar dood te help vasstel. Mense met inligting kan die polisie kontak by 044 606 2850.
2. Nooddiensspanne was vandag nog op bystanddiens en besig met opruimingswerk by Hartenbos Heuwels waar 'n verwoestende wegholbrand gister twee huise in puin gelê en groot skade aangerig het, toe verskeie kleiner brande vanoggend onverklaarbaar in die Hartenbos-omgewing ontstaan het. Die drie afsonderlike brande wat vanoggend onderskeidelik oorkant die Riviera-hotel, op die treinspoor by Hartenbos en agter die Thusongsentrum in Aslapark ontstaan het, is gelukkig vinnig geblus voordat skade aangerig kon word. Twee chemiese toilette by Souwesiastrand is ook gister deur vlamme in puin gelê. Die oorspronklike brandgebied word steeds gemonitor om te verseker dat smeulende puin nie opvlam nie.
* Hoewel die oorsprong van gister se brand nog nie bekend is nie, het talle mense op sosiale media aangedring dat 'n behoorlike ondersoek na die oorsaak geloods word om brandstigting uit te skakel.
3. Intussen krap mense blykbaar steeds kop oor een of meer mense wat gistermiddag soos hase op die dak van die St Vintcent-gebou op die hoek van Bland- en Kerkstraat rondgepring het - onder luide toejuiging en aansporing van omstanders. 'n Foto waarop 'n man duidelik op die dak van die gebou gesien kan word, is op sosiale media versprei. Hoewel meer as een mens glo op die dak gesien is, is geen verdere inligting bekend nie. Die Mossel Bay Advertiser het versoek dat mense met inligting hulle kontak.
4. Terwyl Mosselbaai klaar weer sy vere regskud vir die Dias & Hawefees wat op 31 Januarie 2019 afskop, raak diewe en boosdoeners al hoe waaghalsiger en gewelddadiger. * Die afgelope MosJazz-fees het vir minstens vier besoekers 'n wrang smaak in die mond gekry toe hulle Vrydag net ná middernag deur drie gewapende mans oorrompel en van hul reissakke en persoonlike besittings ter waarde van sowat R25 000 beroof is by die gastehuis in Tornynstraat, De Bakke, waar hulle die naweek tuisgegaan het.
Die rowers het blykbaar oor die draad gespring en op 'n manier die toegangshek na die stoep, waar die feesgangers gesit het, oopgesluit gekry. Hoewel die feesgangers binnetoe gevlug het, het die rowers nogtans met hul besittings weggekom.
* In 'n ander voorval is 'n paartjie Sondag omstreeks 12:00 deur twee mans wat met pangas gewapen is, by hul huis in Blue Waters ingewag, gedreig en beroof. Die paartjie wou net by hul huis in Louis Fourieweg - tussen De Bakke en Diasstrand - ingaan, toe die mans hulle oorval het. Die rowers het met 'n selfoon, handsak en kontant met 'n gesamentlike waarde van sowat R2 500 weggekom.
* In nog 'n voorval in Tornynstraat, De Bakke, is twee mans wat op 'n bouperseel gebly het, gisternag omstreeks 01:50 deur drie mans beroof. Die slagoffers het wakker geskrik van 'n lawaai en die rowers binne die gebou aangetref. Die rowers het weggekom met persoonlike besittings ter waarde van sowat R5 000, wat 'n beursie, selfoon en skoene insluit. In 'n poging om van die rowers te ontvlug, het een van die slagoffers in die donker van 'n balkon afgespring en homself so erg beseer dat hy hospitaal toe geneem moes word vir mediese behandeling.
